أحلـى ملاك

بيانات اضافيه [ + ]

رقم العضوية : 12841  تاريخ التسجيل :  02 2006  أخر زيارة : 04-12-2010 (08:21 PM)  المشاركات : 3 [ + ]  التقييم :  10

لوني المفضل : Cadetblue

أستاذ ابراهيم الدريعي

أشكرك كثير على ردك وكلامك .. وأشكر كل القائمين على هالموقع

والله يعطيكم العافية على مجهوداتكم ...

ما أخفي عليك أخي الكريم إني قرأت الرد منذ أيام ,,,

طول الوقت وأنا أفكر ... بكلامك ... أنا عارفة أن مسألة الإنجاب بدري التفكير عليها

بس لما تعرف إنك بتنحرم من نعمة من الله ... وبتظلم شخص ثاني معاك

هالشي لحاله يخليك تعيش بدواااااامة ..

أنا خايفة .. أنا عارفة إني لازم أتكلم وأفاتحه بالموضوع ...

بس أكيد راح ينتشر هالشي بين أهلي ويمكن أهله ... ما أبي أحد يدري بهالنقص الي

فيني ... وبنفس الوقت ما ودي أخبي عليه شي مثل هذا ...

هو صادق معاي .. بكل كلمة .. وقالي عن عيوب كثيرة فيه ..

تكلمنا بأشياء كثيرة ... حتى بالنسبة لوضع بنته .. بعد الزواج .. وخيرني إذا ماتبينها تعيش

معانا بإمكانه يخليها عند أهله ... بس أنا رفضت ..

والله مو مسألة إني باصل للكمال بتصرفي .. فكرت كثير بهالشي ..

يعني أنا الحمد لله على كل شي .. بس مريضة

شي الله بلاني فيه ... وراضية

بس والله ما أبي أحرمة من بنته ... يمكن الله مايرزقني ولا أقدر أسعده