غـريب الــروح

بيانات اضافيه [ + ]

رقم العضوية : 13139  تاريخ التسجيل :  03 2006  أخر زيارة : 13-03-2006 (01:50 PM)  المشاركات : 5 [ + ]  التقييم :  10

لوني المفضل : Cadetblue

ماعرف شوأقول

السلام عليكم ورحمة الله وبركاته

بصراحه انا ماعرف كيف ابدأ كل اللي اعرفه اني محتاجه مسانده

انا فتاه عمري 20 سنه طفولتي كانت مؤلمه وكل ما اتذكرها احس بالحزن

والدي عايشين معانا ومب معانا في نفس الوقت الخلاف بينهم من وعيت على الدنيا

مانعرف متى يكونوا متصافين ولا حتى متى يعصبون علاقتي بيهم سطحيه لابعد الحدود

ابوي يحاول يحسسني اني كبرت ولازم اعتمد على نفسي في اتخاذ القرارات بشرط هالقرار
ما يعدي حدود المجتمع ولازم يشاور ويشوف الناس اللي حولينا يعني مستحيل يحاول يكون
مختلف حتى لو كنا صح وبالنسبه لي علاقتي بابوي دائما كانت هاديه حتى لو ظلمني في بعض الاحيان لكني راضيه اصلا ماتعودت غير اكون راضيه والعتراض عباره عن شي شاذ بالنسبه لهم اما امي آذتني واااايد لكن ماقدر الومها لانها تعاني من مرض نفسي ماثر على علاقتها مع كل اللي يعرفونا وطبعا اكيد معايلنها في الصغر كانت تكرهني بشكل مرضي وتعتبرني سبب كل حزنها بصراحه احس مشكلتي حدودها واسعه
لكن كل اللي اتمناه اني اقدر اصلح اللي انكسر . شخصيتي الضعيفه وحالات الحزن الفضيعه اللي احس بها تقلب المزاج , انا حتى قدام نفسي احس اني ولاشي 20 سنه مرت من عمري ما حققت فيها شي حتى ربي اللي مالي غيره للاسف علاقتي به ضعيفه حتى لما احاول اقوي علاقتي به الكل يحسسني اني منافقه كلها فتره وبرجع لنفس الحاله
فراغ غربه احلام ملل هم اصحابي حتى لما انتهت مرحاة المدرسه والله عوضني برفقه طيبه صرت ما اتحمل اقعد مع احد رجعت لنفس الحاله اللي صابتني وانا صغيره

الشي اللي انا متأكده منه اني محتاجه علاج نفسي سويت بعض الفحوصات في النت

ولي صاحبه حسستني بها الشي مع اني ماقولها عن نفسي شي لكنها تقول اني يصيبني اكتآب احيانا بصراحه مشكلتي في حياتي وما اقدر الخصها في صفحه

إذا كان لي طبيب بينكم حتى لو انسان يريد ينصحني يسمعني يحاول يفهمني الحياه

لاني حتى صاحباتي احس بالنقص اذا كلمتهم مع اني جربت وللاسف ماتفهموني

اعتذر للازعاج لكنه من بقايا الامل الباقي في داخلي

المصدر: نفساني