ورد جوري

بيانات اضافيه [ + ]

رقم العضوية : 8657  تاريخ التسجيل :  05 2005  أخر زيارة : 19-06-2006 (02:43 PM)  المشاركات : 19 [ + ]  التقييم :  10

لوني المفضل : Cadetblue

السلام عليكم ورحمة الله

انا مع الاخت بيوتفل فعلا وحده من صديقاتي جربت ها الشى مع شاب سوري وهذا هو اخذ اطفاله وسافر بلاده وخلاها اهني

اخواتي فكرو عدل فى الموضوع الحب مب حرام بس لازم نحط حدود لانفسنا مب معقوله احب شخص وانا اعرف الفارق الاجتماعي من بينا صحيح انه دينا رفض هذا الشي لكن الكل عارف انه لازم يكون الزواج فيه تكافؤ..

لكن للاسف نحن عايشين فى مجتمع ما يرحم احد ولا تقولون بلاد الشام غير وناس متفهمين صدقوني خواتي العرب كلهم نفس التفكير ونادرا ما تحصلين تفهم

والاخت محرومه عمرج 20 سنه يعني بعدج ما وصلتي سن كبير ممكن اهلج يوافقون ويقولون كبيره ومحد ياها يخطبها..

اختي ماريد احبطج بس بعد لا تتفائلين وايد لانج بتتعبين كثير وفى النهايه صدقيني اختي كله على حساب صحتك ونفسك .. الرجل بمجرد انه يتزوج غيرك بيذكرك سنه بس وبعدها بينساك صعب تحصلي رجل مخلص سواء رجل او امراه بس المراه عاطفتها تشدها الرجل معظمهم يفكرون بعقلهم وخاصه بعد الزواج

نصيحتي لك تبتعدي شوي شوي ولا تنصدمين بعدين او يمكن تكون نفسج ضعيفه وتسوين شي وتندمين عليه..

والله يا اخواتي مره كنت اتحدث مع صديقه لي وقالت ياها رجل سوري وقالها انتو يا بنات الامارات والخليج قدرنا عليكم ..

وقاعد يتشمت انا ما اقصد انه الشخص الي تحبيه سئ ممكن يكون محترم بس اتوقعي فى لحظه ينتهي الحب وتبدا الفكره وهو العقل..

اختي انتي فى سن محتاج للعاطفه وبعدك مب ناضجه كفايه فكري بكلامنا وقوليلنا بشو قررتي

حطي فى بالج انه نحن نتكلم مب من منظور ديني ولكن فكري فى التكافؤ من بينكم وحتى لو الدين حث باخلاقه لكن ما تقدرين تعرفين الا من تعاشرينه اذا هو شخص اخلاقه زينه او لا

ع الاقل اذا خذتي ولد البلاد وغلط معاج بتلاقين حقج من دولتج ولكن ما بتلاقين حقج من اجنبي لانه بتكون دولتج واهلج مب مسؤولين عنج ابدا

واسفه لو رايي بضايقج انتي او غيرك..

اختكم ورد جوري