غـريب الــروح

بيانات اضافيه [ + ]

رقم العضوية : 13139  تاريخ التسجيل :  03 2006  أخر زيارة : 13-03-2006 (01:50 PM)  المشاركات : 5 [ + ]  التقييم :  10

لوني المفضل : Cadetblue

بما اني مالقيت الام او الاخت الي تسمعني وترشدني في حياتي انا قررت اتجاهل كل شي اعتبره مهم في حياتي واتجاهل كل احساس فيني وابدا ادور عن بعض الاجوبه الي يمكن تساعدني في تحديد ما يسمى بالمستقبل

كنت احب الدراسه لاني كنت ابي اي سبب يطلعني من البيت وهمومه وحلمي اني انجح وادرس في الجامعه عشان اقعد في سكن للطالبات وابتعد عن البيت وتحقق هالشي وفي اول كورس لي المساقات كانت سهله وكنت اقدر احصل على علامات كامله لاكني افتقدت الرغبه والحماس للنجاح مثل ايام المدرسه ونجحت بجيد جدا مرتفع لكن الكورس الثاني كانت المساقات صعبه ويلزملها دراسه وتركيز نجحت بعد لكن معدلي نزل لجيد جدا والكورس الثالث غيرت تخصصي ونزل معدلي صار جيد والحين معدلي صار تحت المعدل الطبيعي وعندي احساس باللا مبالاه كل اللي خايفه منه حشرة الاهل هذا التغير في نفسي مخوفني ليش فقد كل رغبه بالنجاح او التغير
سؤالي هو كيف ارجع لنفسي احساس الحماس والحيويه كيف اقدر اتحكم بنفسي وما اخليها تسيطر على أنا اعاني من ثقل في النوم ووايد يتعذبوا صاحباتي عشان يصحوني للصلاه او الدوام وقالتلي وحده منهم ان نفسي الضعيفه هي اللي مسيطره على تصرفاتج وتخليج مب مركزه عدل
في بعض الاحيان انا نفسي ماعرف ليش اتصرف بعض التصرفات

كل الي ابيه ولو جواب بسيط كيف اقدر اعرف الصح واعلم نفسي تحبه واقدر اخليها تحبه مع العلم مافي حد فاضيلي يرشدني كل اللي يسونه يلومون اذا اخطيت وينتظرون افضل النتايج مني

اعتذر على الازعاج

تحاياي