نفساني - عرض مشاركة واحدة

10-03-2006, 04:21 PM

اقولك بصراحه انا انخطبت مرتين قبل مااتزوج ،،
يعني ماشالله صار عمري 16 سنة وصارو الخطاب يدقون الباب حتى من كثر مايدقون شلعنا باب بيتنا خليناه مفتوح هههههه وكتبنا يافطه " ممنوع الاقتراب الا بشروط "،،

والصراحه انا بمسئلة الزواج شأن كل حساويه طبعا مو الكل يعني حنا هنا بالشرقيه معنا قانون " انو البنت اللي بتحب تتهم بأنها ساقطة حتى لو تزوجت وجابت اعيال تبقى النظرة حقيرة ،، هذااذا كافحت وتحدت كل العالم ومنهم اهلها ،، لكن في اسلوب ثاني بيستعملوه انو الاهل لو عرفو بالحكايه " بحجة انها فضيحه " وهذا الامر ليس صحيح لانها مثل ماللشاب حق ايضا للبنت حق ان تختار شريك حياتها والاسلام والرسول وضحو هالامر ولاتعليق ...لكن تخلف العقول تجبرهم ان يزوجو ابنتهم بأقرب رجل ماتعرفه ولاعمرها سمعت فيه ،، والا تبقى هكذا بدون زواج " ...بالله ويش تختار ؟؟؟؟؟؟؟ تقول : اتمشى بالسوق احسن لي وارقم هذا وهذا هههههههههه = امزح معاكم مو هاذا موضوعنااااا ،،

الخلاصة :

ان ابي سلمه الله لايحب ان يجبر احد ان يفعل شيء لايحبه ،، ومااقول كان ردي دايما الرفض ،، لاني مدري لسه بدري عالزواج وانا من النوع اللي يفضل انه يعرف شريك حياته معنويا وروحيا واجتماعيا ،، المهم في الخطبة الثانية لما كان عمري 17 قلت اوكي : موافقه !!...ومااقولك ...تعلقت فيه وعشت احلى ايام العمر بالاحلام " ولاسندريلا زماني " هههه ،، لكن بعد سنة اصيب بحادث سيارة اؤدي بحياته ! ،، وابو عبدالله زوجي كان شقيقه وكان معاه بالسيارة وكان عمره 24 سنة ،، وقبل مايصير هالحدث قاله يوم من الايام : يا " فلان " .. السعاده راح تنكتب لك فالله يوفقك ،، طبعا ضحك وقال : انشالله بوجودك ياخوي ،، المهم انصاب بحالة هستيريه لما خبروه بعد 10 ايام بوفاته بعدما تحسنت صحته ،، لانو متعلق في اخوه لدرجة مايتصورها احد مثل علاقة الاب بأبنه ،، وبعد مرور سنتين طلب من امه انها تكلم امي ،، وطبعا رد ابوي وقال : صعب تاخذينه ...طبعا انا ماخذت المسئلة على انها خيانه عالعكس رحبت بالعرض وفي نفس الوقت ترددت وخفت ،، لكن قبل مايكتبو العقد طلب شوفي وقالي : تعرفي انت اغلى شيء بحياتي راح احافظ عليه ومثل ماقال اخوي " انت السعاده " ..ولك ترفضي ماراح الومك ،، بس ياليت توافقين وتصيرين احلى عروس بحياتي ،، طبعا دمعت عيوني وفرحت وقلت لاهلي خلص موافقه ،، وقفت امي عالباب وهي تقول : لولوووووووووووش بجد ماتوقعت الفرحه بتصير هيك ،، وفعلا الانسان قابل للحياة من جديد في اي لحظة فقط متى شاء ، والحمدلله على كل حال ،، وتعلمت اروع درس وهو " لن اسمح للهزيمة ان تكسرني " ...سأ بقى شامخه كالجبال واستمد قوتي من " نور الشمس " وهو قلب زوجي ،،
لذلك يابسمة فرح مافات فات دعيه يذهب مع الرياح العاتيه واغلقي باب الظلمة وابدأي بحياتك واهتمي بنفسك على الاقل عشان ام عبود هههه والا مانستاهل

عاد ماتبكووووووووووووون هههههههه ،، بس جد مو قصدي تقرون عشان تتأذون نفسيا بس ابغاكم تاخذو الافكار الرئيسيه فقط وتطلعون الموضوع بشكل ايجابي
وسلامتكم