نفساني - عرض مشاركة واحدة

06-05-2002, 01:22 AM

بلا مقدمات:::

لماذا لايستطيع اغلب الازواج السعوديين بالتعايش مع بعضهم البعض؟

ولايستطيعون ولم مجرد التفاهم!!

تعجبون من كلامي؟ طبعاً؟

فمارأيكم في نقاش:

يبدأ بكلمه : (هــيــه) عطينا شاهي!!!

هـــيـــــه وين الغداء. بسرعة ماصارت!!

جابت (هيه) الشاهي! عطته الشاهي وهي واقفه ..هيه ....خذ ... امسك.
قال اقعدي شوي نتقهوا ...(نتشهوى)يعني نشرب شاهي.
طبعاً الا ياقاعده.

قالت :تر بروح للسوق اليوم مع اختي نبي فلوس .
(ملاحظـــة) قررت هيه الذهاب مع اختها) ومحدده الوقت بعد!!؟؟
اوين دور الزوج اين المشورة اين التخطيط المادي .
هل الزوج معه فلوس والا لا ؟.
طبعاً لايعنيها الموضوع ! بتروح وبس
الزوج : ( مامعي فلوس) .
الزوجه ماعلينا منك) دبر نفسك.
الزوج: طيب خلوه بعد ثلاث ايام لين يطلع الراتب اقل شيء.
الزوجه : ( بصوت عالي طبعاً) لـوك تبي شي كان دبرتا نفسك.
بس انا لا!!؟؟
الزوج : والله مامعي شيء الراتب يوم الابعاء .
اصبري شوي.
الزوجه: منيب ؟ وش اقول لاختي؟ .اقول عيا زوجي!. منتاب صاحي.؟

الزوج : معليش طيب خليني انوم شوي سكتي البزران تكفين.
الزوجه: وين اوديهم للشارع او احطهم عند الجيران؟
وش اقول انا وانا معهم طول اليوم.! خلك تحس بهم لو شوي؟!!!
الزوج: آآآآآآآآه. لاحول ولا قوه الا باالله.

الزوج : عطينا مويه. الله يعافيس.
الزوجه: والسوق وش صار عليه يالله طلع فلوس بسرعة اللحين بتجي اختي.
اخلص.
الزوج : يابنت الحلال صدقيني مامعيش والله .
تكفين ريحينا من الصجه، وجيبي المويه.
الزوجه: منيب جايبه مويه لين تعطينا فلوس .
الزوج: معد ابي شي ريحينا بس من الصجه.
الزوجه : وش قصدك.؟
الزوج : والله ماقصد شيء.
الزوجه: الا تقصد ، والا بتطلع كالعادة.؟
الزوج: وين اطلع وتوني جاي من العمل تعبان؟!
الزوجه: كالعاده تجي تنوم وتاكل بهالبيت بس!
وغيره مالك دخل.؟لين بغينا شي تقول مامعي
الزوج: يابنت الحلال . وش تقصدين .
الزوجه : ماقصد شيء؟
الزوج: شكل اليوم مهوب معدي على خير؟
الزوجه: خير والا شر؟

وي وي

وي وي

وي وي

وي وي

جت الشرطه تفك بينهم طبعاً !!!!!!!

هذا حال اغلب البيوت .

جفاف في التعايش والتعامل الزوجي .

هل التعليم له دور . هل المجتمع له دور. هل .........؟

نريد اجابه.

المصدر: نفساني