|
استشرت الإختصاصيين وأبي استشير المجربين ساعدوني..
بسم الله الرحمن الرحيم
مستشاري القدير إبراهيم الدريعي...
السلام عليكم ورحمة الله وبركاته..
تحية طيبة..
لا أعلم من أين ابدأ أو كيف ابدأ وبكل صراحة يخجلني أن ابدأ ولكني مجبرة حتى أحافظ على ماتبقى من أجزاء سليمة في نفسيتي وشخصيتي البسيطة طامعة في عونكم ومشورتكم بعد الله...
أستاذي العزيز اسمحلي أن أتحدث بلهجتنا العامية ..
مشكلتي يمكن مرت فيها كثير من البنات لكني أحس إني لوحدي بهالمشكلة تعبت وانا أدور لها حل وهي إني حبيت إنسان وأخلصت له حبيته بكل جوارحي وعطيته كل اللي يتمناه احتويته لدرجة إني صرت افهمه قبل لاينطق اعرف وش يبي أحس فيه كنت جنبة في أسوء حالاته تحملته كثير وغيرت نمط حياتي كاملة عشان ارضية كنت أتخلى عن أحلى لحظات عمري مع عائلتي وصديقاتي عشان أكون معاه تخليت عن دراستي عشانه لأنه ماحب الجامعة اللي كنت راح التحق فيها مع العلم إني متخرجة من الثانوية قبل خمس سنوات تخليت عن وظيفة أفضل من وظيفتي الحالية عشانه لأنه ماحب الوظيفة الجديده وقال إن البنت أفضل وظيفة لها أنها تتوظف بمدرسة فقط...
مو هذه المشكلة لأني استاهل أنا اللي سمحت بهذا كله لأني كنت أشوف إني لما أرضيه تنعكس سعادته على علاقتنا ونعيش أحلى أيامنا قضينا أروع اللحظات مع بعض وأذكر أدق التفاصيل ولكن...
تخلى عني وبشكل بشع بشكل كل ما أذكره أتمنى إني امووت ولا أعيش لحظه بدونه أحبه بجنون واعشقه وكنت متأكدة انه يحبني كان دائما يقول لي إني الوحيدة بهالدنيا اللي مريحة باله وحياته..
بس في يوم وكان يوم عادي رائع مثل كل الأيام وبأحلى الكلام انهينا مكالمة هادئة متفقين فيها على انه راح يوصل أهله لمكان وبعد ساعة زمن اشتقت له ومثل ماكنت متعودة إني أدق علية بأي وقت وأي لحظه ماعمره منعني وكان يرد علي حتى لو كان مع أهله يكلمني على إني واحد من أخوياه لكن هالمره غير, رد علي وهو ينكر انه يعرفني استغربت وضعه لكني سمعت صوت بنت عنده وقفل التلفون بوجهي ..
أرسلت له مسج (لاعاد اشوف رقمك عندي) لكن للأسف ايش كان الرد كان الرد انه رجع اتصل وهو يقول من أنتي تعرفني أعرفك؟ وسحبت البنت السماعة منه وقالت لي أنها تعرفه من 8 سنوات!!!!
وانا سنتين بس أحسها عمري كله مريت معاه في تجارب عمري مااختبرتها وايش كان رد فعله..
قالي أنتي غلطة تفهمييييييييييييين أنتي غلطه وهذي عمري هذي راح تصير زوجتي واللي ذابحني أكثر انه أهانني قدام البنت وذلني عقب ذاك الحب والعشق ..
لكن بعد ساعة من هالمكالمة رجع وكلمني وقال أنها غلطة وهذي البنت يعرفها من يوم كان بزر وهي مشكلة في حياته مو عارف يتخلص منها وانه كان تاركها بالفتره اللي عرفني فيها وانها توها رجعت له قبل شهر حسيت انه صادق لأني لاحظت تغيير في تصرفاته قبل شهر المهم البنت أخذت الرقم وكلمتني وبدأ التحقيق أنا بطبعي مااحب كثر الكلام ومهما صار أحب أحافظ على الشخص اللي عرفته عكسها تماماً كانت وقحة وجريئة تسأل عن أدق التفاصيل وبعد كذا عملنا مكالمة جماعية وهنا بدأ اللغز حسيت انه يبيني أنا لكن البنت مسيطرة عليه بطريقة غريبة ومحيره كسرت الجوال بوجهه وسبته وهو ماحرك ساكن ....
وقال لها في هالمكالمة بصريح العبارة يافلانه أنتي ماكنتي حولي وقت حاجتي لك لكن(....) كانت دائما حولي فاهمتني ومحتويتني ...؟؟؟؟؟!!!!!!!
وكلام كثير راح اتركه المهم البنت صارت تتصل باستمرار وكانت موضحة لي أنها فاهمه موقفي وانا مالي ذنب بخيانته لها وأول مكالمة لما كانوا مع بعض كانت من رقم أمي وهذي اكبر مشكلة بدأت البنت تهددني لو دقيت عليه وهو للأسف كان ينقل لها كل حاجة لو أرسلت مسج أو حتى دقيت علية ..
أنا مقهوره ومحتاره مرات دق يبغاني وبعد كذا جلس معاها اكثر من مره وانا متأكده ان لها تأثير كبير عليه وصار يرفض مكالماتي وانا كل اللي كنت محتاجته اني اتفاهم معاه وأفهم وش اللي صار في ليله تقلبت موازيين حياتي بس البنت وخوفي من انها تكلم امي أو ترسل شي على رقمها يذبحني كيف انا بنت واخاف من بنت مثلي..
تكفووووووووون فهموني هو كان لي ومن حقي اتفاهم معاه ابي اوصل له ومو قادره غير رقمه ورجع رقمة القديم واليووووووووووووووووم تحديداً كان عيد ميلاده وأرسلت له مسج من رقم غريب عشان ماتعرفه البنت ولاتقدر تهددني تعبت تعبت تعبت الهم هاد حيلي شخصيتي تغيرت وحياتي انهارت..
مالي أحد ألجأ له غير ربي وأنا عارفة هالشي وخجلانة من موضوعي اللي ممكن تشوفونه بايخ..
اشغلت نفسي بأشياء كثيره مفيده لكن القلق والتوتر ملازم لي والإكتئاب صاير صديقي..
ابي اسمع صوته أو اتفاهم معاه بدون خوووووووووووف ابي اتكلم معاه وش الحل شلون انساه وانا في الغاز متعلقه في بالي ومتأكده اني راح اخف لو عرفت منه اشياء كثيره البنت الثانيه عطاها حقها جلس معاها وفهمها وهي بقت معاه غصب عن ارادته وهذا كان واضح من كلامها لي لأنها كانت تقول لي ابعدي عنه لاتخلينه يخدعك اكثر لأنه بافي معاي سنه وثنتين وعشرة أنا ماراح اتركه!!!!
بعدت عنه خوف على أمي مو على نفسي ..
ابي اتفاهم معاه بسسسس كنت ناجحه قبل 3 شهور في كل حاجه بس الحين علامات الإرهاق والكآبه هي اللي بقت ..
آسفة طولت بس محتاجه للمساعده مع العلم هالحكاية قبل 3 شهور وفي أول شهر كنت قوية وحسيت إني تعديت المرحلة الصعبة لكنني أكتشفت ان الأيام بدت تصير أصعب وأثقل أحبببببه بجنوووووووووووون والهم كااااااااويني..
واسمحلي انشرها عند الأعضاء لعلي أجد من مر بهذه التجربه وقد تفيدني ساعدوني تكفووووووون كيف أقدر اتكلم معاه واريح بالي ..
وبنفس الوقت ودي أساعده لأني أحس انه مضغوط بهالعلاقة اللي فرضها على نفسة كل مادقيت عليه حسيت انه منرفز ومعصب وهو بمكالمة اعترف لي أنها كانت السبب في لحظات الغضب اللي مر فيها بعض المرات لأنها متسلطة ولسانها طويل وهذا شي أنا سمعته بنفسي...
أعــــــــــــــــــــــــــــــــــــــــــــذرون ي ..
|