نفساني - عرض مشاركة واحدة

06-05-2002, 02:41 PM

اولا سلام للجميع , لاحظت انه في بعض الاعضاء الجدد اللي اشتركوا في المنتدى بداوا يزعلوا وينسحبوا, ايش تتوقعوا السبب اذا تكرر هذا الشئ اكثر من مرة , هل تعتقدوا السبب في الاعضاء نفسهم ولا في بعض الردود العنيفة والغير لائقة اللي قاعدة تجيهم, في اسلوب تعامل مع الناس للاسف الكثير ما يعرفوا وفي انتقاد بادب, واحب اقول لكل اللي بنسحبوا ياريت تبقوا لانكم بفعلكم هذا تزيدوا من شوكة الناس هذولي وتخلولهم الميدان.
ويا ريت كل واحد منا يعرف حدوده في الرد على الاخر, ويعرف انه مو معنى انه مو مكتوب اسمه الكامل انه يخربط اي كلام بما انه ما احد عارفه, لان السوي هو اللي يسوي الشئ عشان نفسه اولا , الواحد يحترم نفسه اولا ومن ثم يقدر انه يحترم الاخرين , والتجريح في الناس من غير داعي والاستهتار بارائهم والاستخفاف بها ( خاصة عند بعض الناس اللي يستخفوا دمهم) هذا غلط ومو كل الناس بتتقبل خفة الدم هذه.
وتحياتي واحترامي للكل, خاصة للاعضاء الزعلانين , واقولهم :
اصبر على كيد الحسود فان صبرك قاتله
فالنار تأكل نفسها ان لم تجد ما تأكله
واظن فهمتوا قصدي

المصدر: نفساني