نفساني - عرض مشاركة واحدة - ما الشيء الذي يعجبك في شخصيتك ومالايعجبك ؟

17-03-2006, 10:57 PM

أشكرك حبيبتي الغاليه أم عبودي (:
أنا ما أحب في نفسي أشياء كثيرة إذا موا تقريبا كل شيء ,,, أكره فيني أني بعض المرات ما أعرف شنوا أحب وإلا لا ,أكره فيني أني عصبيه ومزاجيه وأكره أني حساسه أنا حيل حساسه كل شيء يضايقني ,, أكره أني كتومه ,,, أكره أني ما أثق بالناس وبالي حولي ولا أخليهم يعدون الدوائر المحيطه فيني ولا أفضفض لأحد منهم أكره المبدء اللي عندي وإهو أن اللي ينكسر ما يتصلح وإذا انكسر قلبي عمري ما أصلحه , وما أسامح اللي يغلط علي ولو كان شيء تافهه لكنه جرحني خلاص ,, وإن سامتحه ما أقدر أرجع مهاه نفس أول مهما كان ,,
دايم أعتبر أني أمسك قلم أحمر وأحكم بيا صح وإلاخطأ ,, مو قلم الرصاص ينمسح ,,,
أكره أني دايم أكلم روحي وأطالع المرايا وأسكت وأحس أني جبانه بعض المرات أذا صكت الدنيا فيني أنعزل ,, أكره أني أحب أقعد ألحالي ,, وأكره أن لساني طويل حيل طويل,,,
أكره أني أتأتأه وأكره روحي إذا تكلمت عند أحد أول مرة يشوفني فيها أكره نظرته إذا شافني أتأت
أكره أني موا واثقه بنفسي , أكره أني ما أقدر أتخذ قرار بروحي , أكره روحي وأغار من خواتي أحس أنهم أحس مني وأحلى مني وأن أهلي يحبونهم أكثر مني أحس أني حقودة من كثرما تنقال لي هالكلمه أكره أني حقوده ,,,
ما أدري والله شقول ,,,

لكن بالمقابل ,,,

أحب أني أحب الخير للكل وأساعد الكل ,,
أحب أن كل من يشوفني يستانس مني ويرتاح لي
أحب أني عارفه أني غلطانه ولازم أصحح حالي وأن موا عاجبني حالي
أحب أن الاطفال كلهم يحبوني مرة
أحب أن الكل يثق فيني
أحب أني أقدر أضحك مهما كان قلبي
أحب أني قويه
أحب أني أقدر أتأقلم بسرعة
أحب أني حريصه
أحب أني واثقة في أهل نفساني ووفيك أم عبود الغاليه

وووووو ما أدري والله أختي الحبيبه (: