|
ماقدر اقول لأهلي عن مشكلتي
بسم الله الرحمن الرحيم
اريد ان اتكلم عن مشكلتي فأتمنى ان تجدوا حلا لها لاني احتاج لاحد ان يسمعني ويخبرني ماذا افعل
انا اعاني من مرض الرهاب الاجتماعي ولا استطيع ان احدد متى بدأ معي هذا المرض
فمنذ صغري وانا اعاني منه وكل المشاكل التي تحصل معي بسببه وكلما تقدم بي العمر زادت معانتي منه ولكني لم اعلم انه مرض استطيع ان اشفى منه كنت اظن انه جزء من طبيعتي < وانه ربي خلقني كذا وماانسى ذالك الموقف الي حصل معي لمن كنت ادرس في الثانويه اساسا دايما يضحكون علي وعلى ردودي البارده ودايما اكون
المطيعه لهم تابعه مالي اي رأي ومره جت وحده من البنات تسالني ليش انت كذا دايما
ساكته وماتسولفين و...... انا اول مره احد يسالني هالسؤال انا تقلب وجهي الوان انا نفسي ماكنت اعرف الجواب فقلت لها مدري انا طبيعتي كذا وبعدها صرت اسئل نفسي
ليه انا كذا وشمعنى انا واي موقف يصير معي اكون هاديه وعادي الوضع و لمن ارجع البيت اقعد ابكي واتحسرعلى نفسي ليش ماسويت كذا .......وهذي حالتي الى يومي هذا المهم انا اكتشفت بالصدفه قبل خمس سنوات لمن كنت اتابع برنامج عن الامراض النفسيه ان الي عندي مرض نفسي واول ماعرفت اني اقدر اتعالج منه انبسطت ولكن في نفس الوقت
اتضايقت الحين وشلون بقدر اقول لاهلي ان مريضه نفسيه وابغى اتعالج الحين العاديين مايتجرؤن يقولون نبغى نروح لدكتور نفسي شلون انا والخجل ذابحني وبعد ماعرفت بدت
مشكلة اني شلون اعلم اهلي عن مرضي لاني محتاجه بجد اتعالج وكنت ادور فرصه اني اقول لامي عن مرضي لانها هي اقرب وحده لي ومره حاولت اني اقولها فكانت
تقرا في مجله عن الامراض النفسيه وان كل شخص لازم يكون عنده مرض نفسي
وامي ماعجبها الكلام فقلت لها الا كل الناس عندهم كذا انا عندي مرض نفسي وعلمتها
ايش هو لكن امي حطمتني فقالت لي انتي مافيك شيء ماعليك منهم الحين عشانك
هادية وتستحين يقولون عنك مريضه وانا كنت متحمسه قاعده اقولها وهي مستهتره فيني من جد تحطمت من بعدها خلاص ماعاد حكيت لاي احد
فمادري ايش اسوي من اقوله عن حالتي هي اقرب وحده لي وسوت كذا
وانتو عارفين مااقدر اروح الدكتور لوحدي واصلا ماأجرأ اني اروح مكان لوحدي لازم احد يكون معي
اتمنى منكم تلقون لي حل مع مشكلتي لانه كل ماتأخرت تسؤ حالتي اكثر
وانا عمري الحين 23 سنه وانا كلما تقدم لي احد لخطبتي ارفضه بحجة الدراسه
وانا ارفض لاني ماتحمل فكرة اني راح اتحمل مسؤليه اكبر وراح تزيد مشاكلي وانا ماقدر
اتخذ قرار لوحدي وراح اظلم الي راح يرتبط فيني بمشاكلي
فأرجوكم الي عنده حل لمشكلتي لا يبخل علي تكفون مافي احد اقدر اقوله عن مشكلتي غيركم واسفه على الاطاله بس جد ارتحت لمن تكلمت عن مشكلتي
واتمنى الرد السريع
|