afnan

بيانات اضافيه [ + ]

رقم العضوية : 563  تاريخ التسجيل :  08 2001  أخر زيارة : 22-10-2009 (07:01 AM)  المشاركات : 149 [ + ]  التقييم :  10

لوني المفضل : Cadetblue

موضوع حلو وايد
قعدت اقراه مده طويله .... صج طويل بس حلو
وكل الردود جميله

اسمحولي اتكلم اشوي..؟
الحب شيء راقي راقي راقي يبتعد عن الاهداف السوداء .. لكن للاسف هالحرفين تشوهو بغبار وطين غذر بعصرنا الحالي
حتى اصبح كانه عار

الحب الحقيقي موجود ... انا وضعت لنفسي قوانين ... اقول فيها الواحد لازم يعرف شنو هدفه من الحب
الحب هدفه الزواج ،، واذا الحب فشل؟؟؟ الواحد بيتعذب وبالنهايه ماراح يحصل هدفه ! يعني من اول شيء يختصر جميع المشاكل وما يحب الا بعد الزواج او اذا كان ضامن ان حبيبه فعلا بيكون زوج له وشريك لحياته


هذا كان اعتقادي ،، وما ادري اذا كان صح او خطأ
الكلام سهل جدا
الكلام اسهل من التفكير في الكلام نفسه
والواقع صعب
الحب مو بايدنا ،، شيء خارج عن ارادتنا ،، مشكله لما اثنين يحبون بعض حب صادق
حب مثل الحب اللذي ذكرته اختي مها ،، تتمنى الوحده ان رجل يتعذب بحبها
شيء سهل ان الوحده تتمنى هالشيء لكن لما يصير واقع تتوقعون تحققت امنيتها؟؟؟
اذا هي وهو عارفين ان مستحيل يكونون لبعض لاسباب عديده ( ما ابي اذكرها لان السالفه حقيقيه ) ورغم معرفتهم بانهم مو لبعض ... فهم يحبون بعض ... وما يقدرون يتوقفون عن الحب وكل يوم حبهم يزيد اكثر واكثر
والله حبهم طاهر وصادق وربي يشهد ،، بس شسوون؟؟ وكل مره يتذكرون ان في يوم بيفترقون فيه .. متى هاليوم الله اعلم بس هاليوم راح ايي
وعايشين حزن والم الفراق من اول قصتهم يعني عاشو النهايه قبل البدايه
ورغم هذا لما تواسيه تقول له " لاحقين على الحزن والم الفرقا ... يرد عليها شنو اسوي يعني ؟ ... ترد عليه خلنا نعيش هاللحظات اللي بقت لنا بدون الم وحزن ... يرد عليها وبعدها ؟؟ اشلون نعيش؟؟؟ ترد عليه ربك كريم وبيعوضك خير... يرد عليها انا ماراح اكون لغيرج لاني بضل اوفيلج طول عمري ...حتى لو قسمة اللي اغليهم راحت لواحد ثاني "

لا تستغربون كلامي
الحب مو بايدي او ايديك
ولا تظلمونهم بحوارهم رغم انه واقعي مليون بالميه ... حبهم خالي من الامور الغذره .. حبهم طاهر وصافي ونظيف



الله يصبرهم على بلواهم ويعوضهم خير