|
هذي حالتي بالتفصيل الممل علشان تفهموني
السلام عليكم.................
معلش انا كتبت موضوعي اكثر من مرة لاني عن جد طفشت وكرهت نفسي
الوسواس بدأ معي من نهاية ثالث ثنوي وبالضبط بعد ما سمعت وحدة من صديقاتي قالت انشودة ليس الغريب وصوتها كان مره مؤثر وكان هذاك بداية التزامي مع اني كنت في مدرسة تحفيظ قران لكني كنت متهاونه جدا في الصلاة والطهارة الله يغفرلي وبعد ما سمعت ذي الانشودة سرت احس ان الدنيا ما تساوي شئ وسامحت اللي كنت متهاوشة معهم ........وحتى في ايام الاختبارات اذا سمعت الاذان ارمي اي شي بيدي واروح اصلي بعدين بدات اسوس في الصلاة والوضوء ثم الدين والعقيدة وكنت اشك بالدين مع اني متاكده ولله الحمد انه صح بعدين سرت اقول في نفسي اشيلء غلط عن ربي .........غصبا عني واحيانا احس من داخل كاني متعمده وبعدين في الليل اتذكر ايش قلت واقعد ابكي وحتى الحين لمن اتذكر الاشياء اللي قلتها اقعد ابكي ............ويوم دخلت الكلية انهبلت صدق زاد شكي وزاد الوسواس .......وانا احاول في تصرفاتي اني ما اغضب ربي مثلا كنت اول ما في شي يعجبني ونقادة وبس اشتكي بس الحين بطلت وحتى مرة صديقاتي سالوني عن الامتحان قلت الحمدلله ..استغربوا يعني ليه ما قلت صعب الله ياخذ الاستاذة في اشياء كثيرة حاولت اغيرها في تصرفاتي بس من جوا ما اقدر اغير شي انا كاني اثنين في واحد واحد طيب وواحد شرير حتى اتهاوش مع نفسي مثلا اقول في نفسي شي خبيث بعدين اقول بصوت عالي لا ..مثلامن جوا اسب احد والا شي بعدين اقول لا استغفر الله واقعد اقنع نفسي واشرح لنفسي ليه الله خلقنا ليه يعطينا ليه يسامحنا واحنا نعصية؟
انا في نفسي افكر واقول اشياء مو زينة , وانا اعرف انه يعطيني لكرمه بس ما ادري وش اسوي في نفسي حتى اني قعدت فترة اضرب راسي بالجدار عشان افكاري تتغير بس الضرب ما جاب نتيجة وبطلت .........وانا كل ما اقنعت نفي وخلاص تخلصت من فكرة خبيثة وا سرت اقولها في نفسي سرت اقول اشياء ادهى وامر ...........والفكرة دايم في راسي ما تروح طول الوقت وانا اتكلم داخل نفسي احس اني باتجنن واحس ان اعمالي مومقبولة لان اهم شي القلب وانا قلبي اسود والمصيبه اني احيانا انطق بهالاشياء بصوت عالي واحس ان ربي غاضب علي ..........واي واحد احبه اقعد اسبه في نفسي واللي اكرهه ما اقدر اسبه جوة نفسي
وساعدوني الله يعطيكم العافيه
|