Any

بيانات اضافيه [ + ]

رقم العضوية : 14203  تاريخ التسجيل :  04 2006  أخر زيارة : 25-07-2006 (05:24 PM)  المشاركات : 5 [ + ]  التقييم :  10

لوني المفضل : Cadetblue

أرجو المساعدة

السلام عليكم
أنا مشكلتي كانت صغيرة و بعدين كبرت
المشكلة يمكن بلشت من سنتين
جبت كمبيوتر و تعلقت في بشكل كبير
يعني صرت أقعد عليه كل وقتي
حتى أحياناً أنسا آكل .........
لمدة حوالي أربع أشهر
هاد الشي خلاني أنحف كتير و بعدين صرت ما أعرف أحكي مع العالم .........
و هدول الشغلتين خلوني أبعد أكتر عن الناس و أنعزل على الكمبيوتر

فتت معهد كمبيوتر
و مع إني أحسن واحد بالكمبيوتر بالمعهد و كنت أحسن من كل الطلاب حتى أحياناً أغلب الأساتذة
هاد الشي ما كان يعطيني كتير ثقة بالنفس


بعدين صرت أنعزل أكتر و أكتر عن الناس لحد كبير
حتى إني مضى علي ثلاث أشهر العطلة الصيفية ما طلعت من البيت غير كم مرة
و صار معي اكتئاب خفيف

المهم
تعرفت على مدرب برمجة لغوية عصبية و كتير استفدت
يعني صرت أقدر أحكي مع العالم و أجامل بشكل طبيعي و بدون خجل

بس آخر شي صار معي شغلة
هي إني لما أقعد بين ناس أو أتلبك ولو شوي
بيتوترو شفايفي كتير و يمكن بصير شكلهن غريب ......

رحت لعند دكتور نفسي قام حطلي جهاز متل الكهرباء قام خفت شوي
بس بعد يوم أو يومين ترد ترجع
رحت عند الدكتور أكتر من مرة ، ما كان يقلي شي ، يعني دغري يحطلي الجهاز و يقلي الله معك ......... بدون حتى ما يفهمني شو سبب المشكلة أو كيف أحلها أنا بنفسي ، و بس سألتو قلي إنت عندك خوف و بس .........
مشان هيك مليت و حسيت حالي ما عم بستفيد

بعدين زادت المشكلة حتى عم بتصير لما أكون لحالي بالبيت .......
و هلأ ما عرفان شو بدي أعمل

يمكن طولت شوي بس يا ريت تساعدوني لإني كتير تعبت
على الأقل تقولولي شو أعمل و إذا كانت المشكلة صغيرة و لا عادية
لإنها أحياناً عم بتعرضني للسخرية .........
بعدين هاي المشكلة بتصير مع كتير ناس و لا بس أنا ...............

المصدر: نفساني