أولا أنا أشكركم جزيل الشكر على هذا الموقع المميز اللي يحتاجه أكيد أي شخص عايش في هاذي الحياة المليئه بالمشاكل, والأشخاص اللي ماعندهم وعي بمشاكلهم الأسريه.
مشكلتي انا بزوجي:
لي سنتين متزوجته زواج تقليدي وهو قريبي مو غريب, أكبر مني بثمان سنين,
وماعندي أطفال للحين
وهو من النوع الخجول وانا أكثر منه خجل وبصراحه مادري هو يحبني والا لا أحيانا أحس بحبه لي واهتمامه فيني وأقول لا أكيد انه يحبني وبعد فتره أشوفه يطالع التلفزيون من أفلام وبرامج كلها تتكلم عن النساء أي شي عن النساء ينجذب له فما بالك إذا صارت الحرمه قدامه أكلمه ومايعطيني وجه انا مادري وش قصته شكله مايدري إني حرمه بعد الحمدلله أنا مافيني شي بس احس أنه يبحث عن الأفضل مثلا ينجذب لوحده أحلا مني أو أبيض مني وأحلا بشره والمشكله أنه يغار علي ماأطلع من البيت ألا وهو مدقق بلبسي وشكلي. أرجوك أبغى أي شي أنصحه فيه يمكن هاذي مو مشكل كبيره بس أنا تعبت.