السلام عليكم ورحمة الله وبركاته
مشكلتي معقده شوي وارجو ان اكثر من استشاري يرد عليه لأني انا الصراحه يأست من كل شي....وما اعرف ألجأ لمنو...مشكلتي بدت من سنين يوم تحرش فيني ولد عمي للأسف بس الحمدلله ان عذريتي ما تأثرت وهذا اللي مهوّن عليه الأمر بالدرجه الأولى...بس من فتره طويله خطبوني لأخوه اللي اصغر منه وانا طبعا انغصبت اوافق عليه...ما بقى شي ما سويته عشان أعبّر عن رفضي بس (لا حياة لمن تنادي) الكل كان يقولّي انتي ما تعرفين مصلحتج ونحن اهلج ونعرف اكثر منج ومن هالكلام اللي يجرح...المهم انه موعد عرسي تحدد انا لين الحين مب مرتاحه ودايما استخير وما احس براحه نفسيه بس اسكت لأنه ماشي فايده من الكلام...انا رضيت نوعا ما بنصيبي بس تأثرت وايد يوم عرفت الاسبوع الي فات ان خطيبي ناوي يسكّني مع اهله بعد الزواج يعني في نفس البيت اللي ساكن فيه اخوه اللي تحرش فيني وانا صغيره.....والله اني مب عارفه شسوي انا رجعت وقلت حق اهلي اني ماريده وقلت لهم اني ماريد اسكن في بيت اهله بسبب المشاكل الي في العايله بس امي تقولي انا ما اقدر اجبره...واسبابج مب مقنعه عطيني سبب مقنع عشان اقتنع والله اني ماعرف شسوي...انا افكر اني اخبرها عن سالفة التحرش بس خايفه عليها وماريدها تشيل هم...فكرت اني اقولها حاول كم مره يتحرش فيني بس عشان أهوّن عليها الأمر....ياليت تردون عليه وترشدوني انا وايد محتاره وما اقدر استشير اي حد قريب...هل استمر في الرفض واخبر امي عن السالفه كلها والا اسكت واصبر؟
مع العلم ان خطيبي طيب وما عليه كلام بس انا مب متقبله اني اعيش في بيت واحد مع اخوه ومب متقبله انه يكون عم عيالي
والله حالتي النفسيه زفته بس محد حاس فيني الكل يستهزأ فيني