بحر الاشواق

بيانات اضافيه [ + ]

رقم العضوية : 13784  تاريخ التسجيل :  03 2006  أخر زيارة : 17-04-2009 (11:37 AM)  المشاركات : 1,302 [ + ]  التقييم :  10

لوني المفضل : Cadetblue

اخي الحوراني
اذا سجلت في الجامعه اربع مواد انجلينزى راح احصل على انذار ثالث وافصل حتى لما رحت التسجيل قالوا ليي اعتبري نفسج انج منفصله.... اوكي الوالد غلط بس بامكانه انه ايعدل غلطه .... اهو يعرف اني اكره هذه اللغه وبعدين ما كان عندي اساسيات والدكاتر ما عندهم ضمير ما يشرحون لنا مجرد حل الاسئله شلون صار جدي ما ادري .... والله نفسييتي تعبيت اوكل ليش ما خلاني اكمل تسويق في المعهد البحرين لو ما انسحبت لذي السنه راح اتخرج .... التسويق مطلوب بس ما ادري ليش ابوي ايحب فرض رايه عليي الحين شنو استفاد الجامعه ما اقدر ارد اسجل فيها فكره اني انسحب انسحاب غير قانوني وبعدين اسجل من جديد ولكن الجامعه كل سنه اتخلي قوانين جديده خسرت الجامعه الوالد مكتفي بان ادرس في معهد برتش كونسل انجلينزي بس بصراااحه اسهل من الا ادرسه في الجامعه بس اذا الحين كان عمري 22 وبعد بدرس خمس سنوات وما ادري شنو راح ايصير بعدين وهل ايخليني اكمل او لا ..... بقول لك وبصراحه الوالد ما اخليني استقر في مكان ادرس كل مره مكان ليش ايجرب فيني وحدي ما ادري والله ما ادري ....

اخي اعرف ان التخصص مطلوب ولكن ما اقددر اعطي فيه الدكاتره كلن لهم دور والوالد كان له دور وكل واحد فيهم اتخلي عني وخلوني اعاصر المي لوحدي ..... حتى صره اذا ادخل محاضره انجلينزى قام راسي ايدور ما احس بتوازن لو ما امسك الكرسي لطحت وكل من اقول الى الوالد قال ما اقدر اسوووى لج شى والله صره اذا ادخل الجامعه وكان في شخص راح يقتلني وكره الجامعه وكرهه من فيها وكل شخص ايقول ليي روحي سجلي مره ثاينه انغمر ببكاء لانهم يبوني انفصل فصل نهائي واني حابه اني اكمل حالي حال بقيه الطلاب .... احنا جامعتنا ما تبي الطلاب يدرسون لان يبون اشغال والاشغال الى الهنود او الاجانب ولذلك يعطون الطلاب تخصص مو رغبانين فيه تعرف الا انفصلوا هذا الكورس 450 طالبه وطالبه .... ليش كله علشان يتجهون الى الجامعات الخاصه اوكي والا ما يقدر ايروح ويش اسوى يذبح روحه او ايظل جاهل طول عمره....
اعرف انك بتقول انجلينزي اوكي وله مستقبل بقوووول لك اني دخلت مسار التجاري لميولي الى التجاره وليس والانجلينزى لطلاب العلمي والادبي ليش عطوووووووني اياه ما ادري اوكي اهم خيروني بتسويق وسياحه لو عطوني سياحه بس علشان سمعوا الوالد ايقول ليي لا تاخذينه وما ابيج تاخذين مجال العمل ويا الشباب الحين المجتمع صار تبادل في الافكار والعمل مع الشباب وللاسف الوالد بعد جاهل حطمني كما اباه حطمه .... كل ما احاول اقنعه اتجي امي وتهدم كل الا بنيته في دقيقه شنو اسوى...
خسرت العلم وما اعرف ليش ابقى في هذه الحياه المره وما اعرف الحين شنو بيفرض عليي الوالد بعد