مودع

صح ولا خطاء ؟ قولوا لي

ودعتها !! تركتها وابعدت !
صاحت بوجهي وقالت لي لا !!! لا تبعد لا تروح !
قلت يا حبيبتي مجبر
ليش ؟ ايش السبب ؟ من مجبرك ؟ لا تسكت تكلم ابي اسمعك !!
انا اغلطت عليك بشيء ؟ قالت لي هي
جاوبتها لا يا حياتي ما جا منك قصور لا يا هوى قلب انتي ما غلطتي
قالت اجل ليش ايش السبب ؟
قلت اسبابي كثيرة
قالت قولها
قلت انتي ببلد وانا ببلد كيف ابعدك عنك اهلك ؟
قالت انت لي كل اهلي
قلت اهلي يكرهونك ! كيف اعيشك مع ناس ما يحبك فيهم غيري ؟
قالت انا بعيش معك مو مع اهلك
قلت حالتي المادية تختلف عنكم انا بالنسبة لكم تحت الصفر !!
قالت كلنا كنا تحت الصفر بعدها طلعنا فوق !
قلت وظيفتي مجتمعنا الغالبية منهم تحتقرها !
قالت مادمت ما تسرق وتكسب حلال ما عليك من الناس !
قلت لها مريض !
قالت لو على نقالة او كرسي عجل تعجبني !
قلت يمكن ما اطيب !
قالت حتى انا يمكن امرض !
قلت اعرف ماضيكي وتعرفي ماضيي يمكن احد منا يشك بالثاني !
قالت شيل الشكوك من راسك
قلت الشيطان حي
قالت ليش بدال ما نزرع الشك نحاول نزرع المحبة ؟؟!!
قلت هذي ضروفي والضروف هي الي تحكمت بنا
قالت ليش ما نحاول سوى نغيرها
قلت صعب
قالت مع بعض راح تهون
قلت خايف على مستقبلك
قالت مستقبلي معك
قلت لا انتي معي تضيعي نفسك
انا عشان احبك ولا ابي اضرك راح ابعد عنك
لازم اروح لازم ابعد عشان ما يجي بيوم وتكرهيني
قالت هذا اخر كلام عندك
قلت الكلمة الأخيرة الي اقدر اقولها لك اني احبك
جاوبتني وانا اكرهك ! وسكرت السماعة بوجهي
بعدها بيوم كلمتني
وقالت هداياك واغرضك عندي يا ريت تجي تشيلها
قلت لها ما ابي ما تربيت اني لا اهديت هدية استرجعها
بكت وصاحت وقالت ليه تسوي كذا ؟
ما يكفي الي جاني من الدنيا ؟
قلت سويت كذا عشانك
بكت وقالت اني سحبت ملفي من المدرسة ولا راح اكمل
ما راح اقدر انجح ما راح اقدر اذاكر
كل هذا بسبتك
وقامت تبكي
حاولت اهديها وقلت حبيبتي يكفي قالت اسكت ماني حبيبتك !
ما قدرت ارد
لما هدت قلت انا ما راح ابعد وبغاكي ترجعي لداستك
قالت ارجع عشان ترتكني لا جت الإمتحانات
قلت ما راح ابعد ابد
قالت انت ما رجعت عشاني انت رجعت عشان دراستي
قلت لا عشانك قالت لا تكابر ولا تكذب علي
انا عارفة انك خايف على مستقبلي ولكن خوفك يخليك تفكر بطريقة غلط
رجاء مع السلامة الحين
قلت مع السلامة لكن قبل لا اسكر ابي اقول لك احبك احبك
وسكرت قبل لا اسمع منها شيء
عشت بحزن وكأبة
تفكيري كله سار هي
كيف انا سويت بالإنسان الي حبني وحبيته كذا ؟
سرت ما بين ابكي على هداياها الي اهدتني اياها وللا اكلم صورها الي ماليه غرفتي
والحين كل الي افكر فيه هل الي سويته انا صح ولا غلط ؟
علموني تكفون وش اسوي ؟ هل اضل بعيد عشان مصلحتها ومستقبلها
ولا ارجع عشان اضيعها بيديني
الصراحة احترت

المصدر: نفساني