panic_attack

بيانات اضافيه [ + ]

رقم العضوية : 9577  تاريخ التسجيل :  08 2005  أخر زيارة : 03-03-2008 (02:30 PM)  المشاركات : 17 [ + ]  التقييم :  10

لوني المفضل : Cadetblue

و انا موافق جدا على كلام الأخ عبد الله لأن الله هو سبب الشفاء و هو الطبيب له امر الضر و له أمر الشفاء و ربنا قال و بشر الصابرين ثم انا بستمتع جدا بالشعور انى بخاطب الله من خلال الصلاة و انا ساجد و الرقية الشرعية مريحة للأعصاب فبدل مستمع موسيقى التامل و ممارسة اليوجا كما قال لى البعض أمارسها بس بطريقتى التأمل فى ملكوت الله و انا معاك انها إضطرابات نفسية يا أخ دموع الروح بس الجانب الروحانى مهم جدا انا عملت لنفسى برنامج و همشى علية و ربنا يسهل
ثم انا جربت البروزاك و السيبراليكس و السيروكسات و التريبتزول و التلفون و الابيكسيدون و الأندرال و البوسبار و الزولام و عائلة البروزولام دة غير مهدئات المعدة و القولون أعتقد ان الادوية اللى بتأثر فى الجهاز العصبى أكيد ليها آثار سلبية على المدى الطويل لأنها بتعبث فى أهم جهاز فى الجسم و هو الجهاز العصبى فإية المشكلة انى أحاول أركز على الجانب السلوكى و دة من خلال الصلاة و سماع القرآن و الاسترخاء أنا كنت بكلم شخص من امريكا و سألتة على الأدوية الكيماوية قالى انهم بيستخدموا بدلا منها أدوية أعشاب و عملت نتيجة جميلة جدا ثم أنا لازم أحارب و أقاوم يا اخى إحنا مسلمين و المسلم القوى خير عند الله من المسلم الضعيف و انا عارف شعورنا كلنا و آلامنا و عارف أنه شعور مزعج و انا نفسى عانيت الأمرين لانها كانت بتتطور معى لتشنجات فى الأيدى و الأرجل و الفم كنت ببقى زى المشلول من شدة الرعب تخيل انك فى إمتحان التخرج النهائى فى الجامعة و بذلت مجهود فى المذاكرة و التحصيل و فجأة تشل يدك و قدمك و يلتوى فمك أمام سبعة آلاف طالب و طالبة و يامر مراقب اللجنة بشخصين يحملوك الى المستشفى مثل القطعة الأثرية أو كتمثال مصنوع من الرخام لكن يا جماعة لازم نتخطى الشعور دة لازم نكون أقوى و هنكون أقوى إن شاء الله من خلال قربنا من الله سبحانة و تعالى و من قربنا من بعض و لازم ياخى دموع الروح نقول الحمد لله فى كل حال لو نظرت لمرضى السرطان و معانتهم مع العلاج الكيماوى على سبيل المثال ......ستقول الحمد الله الذى عافانا مما ابتلى به غيرنا فخليك واسع القلب و العقل و الله يشفيك و يشفينا جميعا وو الله أنا حاسس ان مع العسر يسر و انا بدأت إامبارح فى الرقية و ربنا يكرم و شكرا اخى عبد الله على النصيحة