المشاركة الأصلية كتبت بواسطة المفتاح

أهات من طول العنا طاولتني ..
ونفسي من الفرقا وحالي سخيفه ..
جارت علي من الفراق وقصتني..
غزت ولكن ما نوت بالنكيفه ..
بهمومها اللي شفت منها كوتني..
هذا الذي خلى حياتي مخيفه..
باكر يروعني وأنا فيه متني..
وأقول ليت الغيم يبخل بحيفه..
خيل السعادة بالهوى خالفتني..
خالفت معها عيد قلبي وريفه..
هبت هبوب بالنيا عطشتني..
وكم غالي قبلي ظما من وليفه ..
ليت الليالي عن غرامك نهتني..
ولا بدى زرع الأمل منك هيفه..
وإلا أنها في غايتي خيرتني ..
وأختار أنا مرباع قلبي وصيفه..
خلٍ جيوشه بالمحبه غزتني ..
وأنا أسيرٍ للعيون العفيفه..
أغلى هجوس طول الأيام جتني..
هاك الهجوس اللي تجيني بطيفه..
الماضيات بغيبها ما أنصفتني ..
والمقبلات ترجي عدلها خليفه..
اتبع ظنون بالهوى ما شفتني ..
أحسب ظنوني بالمحبه خفيفه..
واليوم ظالمة المحبه طوتني..
طي الورق يوم أنطوى به خريفه..
وأشباح ياسي بالهموم أعترتني ..
وأنا علي أسباب صدك كليفه..
أشيل حتفي راضي فوق متني..
وأروح نفسي من حياتي معيفه..
وأقول للي بالجفا عذبتني ..
عسى الشقا من بيننا بالنصيفه..
شربت من فيض الشقى وأشبعتني ..
دنا مع الاحزان ضدي حليفه..