الامبراطورة

بيانات اضافيه [ + ]

رقم العضوية : 13793  تاريخ التسجيل :  03 2006  أخر زيارة : 29-10-2007 (11:24 AM)  المشاركات : 1 [ + ]  التقييم :  10

لوني المفضل : Cadetblue

مليت من هالحالة

السلام عليكم ورحمة الله وبركاته
اول شي حبيت اشكركم على هالمنتدى الرائع واللي يساعد كثير في الحياه العملية
بعدين انا مشكلتي مع زوجي من بداية حياتنا
انا متزوجه صار لي سنتين
ومن بعد شهر العسل وزوجي يسهر مع ربعه لين الساعه 12 او 1 بالكثير
بعدين صار السهر لين 3 و 4
واحيانا مايرجع غير 7 الصبح ! ويروح الدوام من عند ربعههذي سواها مرة وحده)
وكل ماقلت له يا فلان مايصير تسهر هالكثر يقول لي انا توني صغير وبعدين انا كنت اسهر اكثر من جذي يوم كنت عزوبي يعني تحملي شوي لين اكبر اكثر وازهق من ربعي ...على فكره زوجي عمره 24
وصارت لي مشكله بعد ماجبنا ولدنا وانفصلنا عن بعض تقريبا شهرين
والمشكله هي ان اتصلت من تليفونه على رقم كان يرسل له مسجات غريبه
وطلعت لي مرة ولا من اليونان بعد
ويوم سألته عنها قال لي مجرد صديقه (وهو free)
وانفصلنا بعد هالمشكله وردينا الحين مع بعض
وتمت مشكله السهر هذي معاه ..... بس الحين كل ماكلمته في موضوع السهر نفس الاجابات الاوليه .... والمشكله اني لين الحين شاكه فيه ... ولا اقدر امسك عليه اي شي
وهو مداريني وااااايد عشان جذي اتعوذ من ابليس واقول ان ريلي مابينه وبين هالمرة شي ..... بس لين الحين ابليس يلعب في مخي
وانا اتصلت في هالمرة وعرفت اسمها ووين تشتغل (غبيه تعطي اي حد معلومات عنها)

بلييييييييييييييييز ساعدوني شلون اخلي ريلي يوقف عن هالسهر الزايد؟
وشلون ابعد هالشك اللي ذابحني عني ؟؟؟؟؟
بليييييز ساعدوني عشان انا احب ريلي وهو بعد يحبني (لا تقولون لي شلون تعرفين لان الحريم عندهم الحاسة السادسه ويعرفون اللي يحبهم ومن اللي مايحبهم )
وماابي انفصل عنه
والله يجزيكم خير ويعطيكم مليووووووووووووون عافيه

المصدر: نفساني