بشويش ياهم ٍ غزى الجاش بشويش
ماهوب ناقص كثرة همـوم جاشـي
جاش تناهيده تقـل همهمـة جيـش
حرّم علي اسلـى وحـرّم فراشـي
قم يانديبـي ياسبـوق المطاريـش
منصاك رجّّال ٍ على الطيـب ناشـي
منصاك بن تركي زبون المعاطيـش
مثل المزون الممطـرات الهشاشـي
سلم عليـه وبلغـه حالتـي ويـش
ومثله فـزوع ٍ مايحـب النقاشـي
قلَه ياعمي فـي زمـان الدراويـش
من هو يفرّق بيـن طيّـب ولاشـي
وين الأصايـل ألا ويـن الأكاديـش
سـؤال سبـب حيرتـي واندهاشـي
ياما انصدمنا فالوجيـه المغاشيـش
اللي نحسسبه طيّب ٍ صـار لاشـي
رزقي ولاجانـي بلعـب ٍ ولا طيـش
ولاجانـي بساهـل ولاجـا بلاشـي
ماسقت رجلي للدنس والمخاشيـش
شفني على درب النقى اليوم ماشـي
الضبع رزقه طـول الايـام تنبيـش
والذيب ماهـرول عبـث فالغباشـي
والبوم مالـه فالمراقيـب تعشيـش
والحر في عالي المراقيـب عاشـي
بيّنت قافي من ايش واسبابه من ايش
يوم انت يامشكاي بلسـم وشاشـي
لا مجرب ٍ قافي ولا طالـب ٍ عيـش
غير الهموم اللـي تداحـم بجاشـي