نفساني - عرض مشاركة واحدة - نفسي تراودني بالانتحار والخبر قريبا ً سماعه اخوكم يتيم ....

15-08-2006, 10:26 AM

استغفر الله على الكتابة اللي انا كتبتها والله اني كنت في حالة مره من ضيقة الصدر والهم والغم انا مقرود بهذه الدنيا كل مااطقها عوجا كل شي اقدم عليه افشل فيه وصرت اطنش الدنيا وصرت عايش سعيد وعلى مايقولن طنش تعش ماصرت اهمت ومع الايام عرفت ان الحياة يبغالها جدية ومره من السنين وحده اخطبتني لبنتها وفرحان ومره الايام والشهور ومستانس اني اباخذ بنتهم وفيه وحده ثانية عرفت بالموضوع اني فلانه خطبتني لبنتها جاء ذاك اليوم اللي انا اتصل على الحرمه الثانية وردت وعرفت ان المتصل هو انا رحبت وسلمت وقالت وش اخبارك ومع السواليف قالت لي انت الحين ليش ماتاخذ من عندنا وش فينا حنا انا والله ماعرفت وش اقول سكت طبعا انا داق اسئل عن عيالها فلان وفلان المهم الحرمه الثانية اللي قالت ابزوجك بنت وانا فرحان ومع الشهور يجي ذاك اليوم اللي يدق علي اخوها وسلم علي وكان يوم اربعاء وش اخبارك يابندر قلت الحمدلله شوي شوي الا وهو يقول لي ترا اختي فلانه تبي تتزوج انا خلاص اصابي الاحباط والقهر شوي واصيح طبعا اخته اللي انا ابتزوجها قال لي راح تاخذ شايب وهي عمرها 23سنه قالت انا وش لون وكيف قال والله مدري انا توني داري والزواج بكرا لا تنسى تجي للعرس قالت انا وين فيه العرس قال في بيتنا والعرس عائلي قالت طيب ليش اجي قال انت مثل اخوي قلت لا ياخي مايصير اجي واقعد يومين وانا كنت اشتغل في البنك واروح اقدم استقالتي والله كنت مرتاح في البنك وراحت الاحلام وراح كل شي المهم جاء هذا اليوم اللي انا اتزوج راحت خطبت وكل شي والله مافيني شي الحمدلله اصلي والمسجد يشهد لي والدوام وكل الناس ويجي الرد في اسرع وقت لم يصير نصيب جاني على رسالة الجوال وهذه هي السالفة وفيها بعد بس يكفي هذا الاختصار فيه ناس دروا قبل اني اتقدم للخطبة ليش تتزوج حنا نزوجك وحنا وحنا واللي جاني قال انا ازوجك ومن عندي العينه بس تعال وغيره بس بعد يوم خطبت وتم الرفض خلاص طابت النفس وانا اليوم الحمدلله مرتاح ومستانس وفي نعمة وللح الحمد بس الضغوط والوحده هي التي خلتني اقدم على هذا الكلام اعوذ بالله منك يابليس