ام عبووودي

بيانات اضافيه [ + ]

رقم العضوية : 17279  تاريخ التسجيل :  08 2006  أخر زيارة : 15-08-2006 (08:33 PM)  المشاركات : 6 [ + ]  التقييم :  10

لوني المفضل : Cadetblue

قبل كل شيء اود ان اشكرك على اهتمامك وردك علي ..
وتخمينك في محله لقد تزوجت في سن ال 16 سنه وهويكبرني بـ 16 سنه
بالنسبة لسهره خارج المنزل هذا في بداية زواجنا اما الآن فقط في الاجازة الاسبوعية
لكنه موجود (( ولاكأنه موجود )) اي انه يجلس منفردا في غرفته واهم شيء لديه .. التلفزيون ..
(( يعني لو لم يجد عنده التلفزيون يمكن انه يمووت ))
ولاابالغ في ذلك حتى الاكل يذهب اليه في غرفته
المشكله الآن اننا تقريبا دائما في حالة زعل انا الآن.. مطنشته .. واحاول اني اغير طريقي باني
لاااتيه ولااحاول بانني اراضيه يعني المكان اللي هو فيه مااجلس فيه طبعا غرفتي طاردني منها
وهو مايكلمني ولايطلب اي شيء مني يعني يطلب من اولاده او الشغالة وهو يعرف ان الحركات هذه تستفزني وانا ساكته حتى خروجي من المنزل هذه الايام ممنوع وبرضه ساكته بدون اي نقاش
فيها وللمعلوميه هو في اجازته السنويه وعلى آخر ايام الاجازة يبي يسافر مع صديقه يغير جو على الرغم من انه يقول لي انا مااحب اسافر اذا جته سفرة عمل وعلى هذا لازم اذا خذ اجازة يسافر (( شووف التناقض ))
.. السؤال .. انا صرت متيقنة انه مايحبني ولا يشتهي شوفة وجهي وهالايام صارت بيننا مشاجره من سبب تافه وكبر السالفة وبغى يطلقني ونادى امه وشاورها ورفضت ذلك وطبعا هي واقفة في صف ولدها وانه على حق وتقول ليش تعاندينه بالنسبه لهم ان الواحد يبدي رايه يعاندهم ..!!
احترت في هالمخلوق عندنا شخصيه وقدام اهله والناس شخصيه ثانيه وللمعلومية صديقه الخاص صاير خاتم في اصبع زوجته واعتقد انه يعرف ذلك لانه كل كلمة والثانية يقول تبين تمشين كلمتك علي وكم مره اسمعه يقول (( اللي زوجته تمشي كلامها عليه ماهو رجال ))
أنا رومانسيه لكني الآن ابغي حياة طبيعيه عاديه اهم شيء فيها يكون محترمني
بالنسبة للكتب حتى لو شريتها وطبقت اللي فيها بالحرف الواحد ماراح يفيد يعني حالته مستعصيه وقاعد يزيد شر وحقد حتى اذا طالعت برنامج في التلفزيون يهدق الى ترابط الزوج بزوجته وحل مشاكلهم لايستمع اليها ويقول ماخربك الا هالبرامج فأنا احس انه يحس بالنقص وفي نفس الوقت
يكابر يعني لو اوصف لك ماراح توفي الكتابه في الوصف .
.. سؤال .. ابغى جواب لحالته المزاجيه اللي بدون سبب (( الفرح**الحزن ))
هل تفسر بمرض نفسي عنده ام لا ؟
ولك مني جزيل الشكر والعرفان وان شاء الله اكون على تواصل معك حتى نحصل على النتيجة المرجوه باذن الله تعالى وجعله الله في ميزان حسناتك
انه سميع مجيب ...