صيته

بيانات اضافيه [ + ]

رقم العضوية : 1765  تاريخ التسجيل :  06 2002  أخر زيارة : 01-07-2002 (02:30 PM)  المشاركات : 1 [ + ]  التقييم :  10

لوني المفضل : Cadetblue

خاص للسبيعي

أ.د.السبيعي
هذه مشكلتي
كنت متزوجه على رجل كل العلوم الرديه فيه 0 وصبرت على شان عيالي معي ولدين 0 كان يضربني وكان يسكر ويجيب حريم في بيتي يوديني لبيت اهلي وهو يجب الحريم في بيتي واذا رجعت للبيت وجدت الي يثبت ان كان في بيتي حرمه واذا سالته قال ماحصل وانكر حتى الملابس الداخليه للمرأة الي جابها احصلها فوق سريري وصبرت على هذا كله وانا صابره لجل عيالي ما حبيت انهم يعيشون في بيت غير بيتهم ومرت السنين وفي احد الايام كان ماسك يدي وقال انك نطقتي باسم غير اسمي وانك قلتي اترك يدي ( يافلان ) وانا والله ما اعرف احد ولا يمكن اني اخون نفسي واخونه اصبح يعاملين معامله قاسيه ما يتحملها بشر يضرب عيالي بالعقال بسب ومن غير سبب لانه يعرف عطفتي نحو عيالي وفي احد الايام قلت ليه انت تعملني كذا قال لانك انتي وسخه وواطيه وذا ما كنتي كذا قومي اتحممي وافرش سجادتك وجيبي عيالك احلفي على روسهم ان ما حصل خنتيني 0 قمت وتحممت وجبت عيالي واحد عمره عشر سنين وواحد عمره ثمان سنين وصليت ركعتين وهو واقف قال طيب حطي يداكي فوق روسهم واحلفي حطيت يدي فوق روسهم وحلفت له بالله اني ما حصل خنتك قال قولي الله ياخذ مني عيالي ويحرمني منهم اذا انا حصل وخنتك 0 وفعلا قلت كل كلمه يقولها وانتهيت من صلاتي وانا ارجو من الله ان يهديه لي ولعيالي 0 ومع هذا ما تغير 0 وانا بعد هذا كرهته كره ما اقدر اصفه 0وفي احد الايام دخل علي وهو سكران وضربني وجرني من شعري من غير سبب بعد كذا قررت اني اروح لبيت اهلي ورحت عندهم جلست عندهم وانا اربي عيالي الكبير تخرج من الجامعه وتوضف والصغير في الجامعه طلب مني ابني اننا نطلع في بيت مستقل ووا فقته وبعت كل ما املك واستاجرنا بيت الولد الكبير هو الي يصرف على البيت لكن كل ما جاب الصرفيه يكون متوتر ولا يعطيني صرفية البيت الا بعد ان اطلبه عشرين مره انا متحمله كل حاجه في البيت وهو ما يعرف يعمل اي حاجه الثلاجه ما يفتحها لجل يشرب انا الي اقضي وانا الي اسدد فواتير الكهرب والتلفون وهو مثل الضيف 0 انا زهقت من حياتي صبرت وصبرت وهو ما عمره فكر فيني امرض ولا ما امرض لا يمكن انه يهتم ما همه الا نفسه 0 حتى ابوه ما يشوفه 0 نفسيتي تعبانه جدا جدا ما ادري ماذا اعمل انا الي صبرت على الضرب والمهونه والان هذا جزاي الصد وعدم البر 0 ماذا اعمل هل اروح عند احد من اقاربي واتركه 0 لكني ما اقدر على فراقه انا تعيسه والله اني تعيسه كرهت الحياة اتمنى الموت اريح لي 0 اكتب مشكلتي وكلي امل ان تدلوني وش الحل ؟

ارجو عدم نسخ الموضوع او نشره بغير هذا المنتدى

المصدر: نفساني