أم العيال

بيانات اضافيه [ + ]

رقم العضوية : 14064  تاريخ التسجيل :  04 2006  أخر زيارة : 11-09-2007 (05:43 PM)  المشاركات : 22 [ + ]  التقييم :  10

لوني المفضل : Cadetblue

أخاف من أشياء متفرقه..

السلام عليكم ورحمة الله وبركاته

جزاكم الله كل خير على هذا المنتدى الرائع وانا من فتره مسجله بس كنت احب ادخل واقرأ المواضيع والردود..

واليوم اتمنى القى حل للخوف اللي ينتابني .. وبصراحه متعبني ..

انا ام لثلاث أولاد الاول 4 سنين والثاني 3 سنين والثالث 7 أشهر..

آخاف من اشياء مختلفه .. بس اكثر شي متعبني..

اني وايد اخاف على أولادي بصراحه كل اللي يشوفني يقولون لي اني ابالغ في خوفي على الأولاد..

بعطيكم عدةأمثله على خوفي..

دايما اخاف من مشاغبة الأولاد احس من يصير اي شي بين الولد الاول والثاني ويضاربون
بصراحه احس قلبي بيوقف أخاف واحد منهم يعور الثاني ويصيبه بعاهه مستديمة او يموت لا سمح الله .. حتى لو مشاغبتهم كانت بسيطه..
اخاف اخليهم يطلعون يلعبون برع في الحوش ..

وقت ما ادخل الحمام استحم .. اكون على اعصابي اخاف حد يصير له شي والله لدرجة اني اخاف حد يخطفهم.. او حد يضرهم بشيئ

حابسه نفسي ما اطلع لأني ما اامن أخليهم عند حد كله اخاف شي يصيرلهم او ما ينتبهون لهم عدل مثلي.

ولدي بيدخل الروضه وانا وايد نفسيتي تعبانه اخاف حد يتحرش فيه جنسيا...

اذا حد بكى منهم وفيه شي احس قلبي بيوقف واي شي في ايدي على طول ارميه بدون ما احس واركض اشوف شو فيهم..

أحس بس ما اقدر اعيش طول حياتي في وسواس انه بيصير لهم شي واذا لا سمح الله وصار شي احس انا السبب يمكن يكون تقصير مني ..

ثاني شي اخاف من الأماكن المرتفعه .. واخاف اركب الأصنصير لانه مره وانا صغيره وقف علي ومن هاك اليوم وانا اخاف اركبه لازم يكون حد معاي ولا مستحيل اركب لوحدي.. واذا ركبت احس قلبي بيوقف لين ما اوصل الطابق اللي نبغيه..

ياريت لو أقى الحل لانه هاي المخاوف مأرقتني بس احس اني تعبت ما ابغي اكون جيه احس خوفي مشقني في حياتي ..

وجزاكم الله كل خير ..

المصدر: نفساني