كنت معزومه في اجتماع نسائي .. وقصت لنا احد قريباتي قصتها وقالت..
(( مره رحت مع زوجي للسوق .. ولما دخلت احد المحلات وكان زحمه بالمره .. زوجي طلع برا المحل .. طبعا انا ماطولت علطوووول طلعت .. وزوجي كان يظن اني بطوول.. بس انصدمت لما شفته يركز على وحده من البنات وكانت قريبه منه بالمره وكان معها جوالها .. وكأنه ينقلها الرقم .. هو لما شافني سوى الامر طبيعي..بس انا ماصدقت نفسي .. تعوذت من الشيطان .. وابعدت الوساوس عني .. ولما رجعنا للبيت .. وجت الساعه ثلاث الفجر .. وكان زوجي ناايم وانا كنت قايمه كالعاده ارضع ولدي الصغير .. تفأجات بأضاءة الجوال بوجود رساله .. انا استغربت .. وقمت وفتحتها .. ولقيتها رساله غراميه من رقم غريب ... قمت واخذت الرقم وحذفت الرساله ... واتصلت بالرقم باليوم الثاني .. وطلعت بنت .. لما حققت معها .. اعترفت لي انها اخذت الرقم من رجال كان بالسوووق الفلاني ... طبعا انا انصدمت في زوجي .. وحاولت اكذب نفسي واللي سمعته .. وخاصه انه زوجي اخلاقه عاليه .. ومستحيل يسوي كذا ...))
الحريم اللي كانوا موجودات بالاجتماع ردوا عليها ..
(( وسعي صدرك .. ترا هالامر شي عادي وكل الرجال كذا .. لا .. والامر تطور الحين وصار عند كل واحد منهم عشيقه او حبيبه ..))
انا من جد استغربت .. ولا قدرت اتناقش معهم ..
فما رايكم يارجال هل فعلا هذا الكلام صحيح ؟؟
ولماذا تسهل الخيانة على بعض الرجال؟؟؟
منقووووول للامانة