|
أسباب العنوسة بين الأمس و اليوم!!!
دائماً نسمع من أسباب العنوسة... غلاء المهور .. البنت تبغى تواصل تعليمها.. شروط تعجيزية من قبل البنت أو اهلها....
والله اسبابكم هي اللي مادري وش تبي!! ممكن هلحكي صحيح من عشرين أو خمسة عشر سنة.
لكن الحين!! اي غلاء مهور بأي عصر عايشين ياما فية عوائل تبي الستر وماعندها اي شروط.
لكن ضاعت حيلة المحللين و الكتاب وقالوا ...غلاء المهور..أكمال تعليم...الى آخرة.
طيب مافكرتوا ليش وصل الحد الى هذي الدرجة.. خلونا أكثر واقعية وفكروا بحالنا..
الشباب مالقوا وظائف واللي يلقى وظيفة الراتب يدوب ألف ونصف ريال و أغلب الرواتب هذي الايام بهلحدود! وفي أحسن الاحوال صار الراتب ثلاثة ألاف ريال ... ياسلام هذا محظوظ!!
بالله عليكم وشلون بيفتحون بيوت هذولاء؟
واذا كان الراتب يادوب على قد الحال حط أول شرط في شريكة الحياة (موظفة!!! ..
طيب و اللي ماتوظفت من يبغاها؟؟؟
يعني اما اني اتوظف والا اصير بطابور العوانس...
شبابنا لقوا وظائف عشان أنا اتوظف؟؟
بالنسبة لي أنا ماخليت باب الا وطرقتة مامن مجيب مافية وظائف...
وهذا حالي وحال غيري كثيييير!
اصابنا الاحباط بعد فرحة التخرج... سنوات مرت على التخرج و مكانك سر!!!!
حتى زواج ماتزوجنا؟؟
والله حلم كل بنت انها تتزوج ويصير عندها بيت و زوج و عيال... حتى لو كانت العيشة على قد الحال... أهم شي التوفيق والستر...
|