|
أيام الاغاني الهنديه ؛؛؛ على شاطىء شقتي !!
مساء الخير والانوار عليكم
حبيت احكي ليكم سالفة الاغاني الهنديه ؛؛؛ <<< ندري الاغاني محرمه ولانسمع بس ايش نسوي غصب عنه !!!
كنت ساكنه بشقق خاصه للعوائل وكانت من ضمن العوائل " عائلة هنديه " ؛؛ يعني انا ماعرفت في البدايه الا من سماع الاغاني 24 / 24 تشغيل !!؛؛ قلت في نفسي : الحين مصدقين نفسهم انهم بالهند مع هالاغاني ويش ذا الازعاج ؛؛ رحت اشوف واستفسر قلت : يمكن اللي ساكنين فيها عزاب واحنا جنبهم بالغلط ؛؛ المهم دارت الايام والشهوررررر ؛؛ واحنا عالمسجله اللي غطت على كل تلفزيونات وراديوات البيت ؛؛ وماصرت اسمع الا الهندي ؛؛ [ تذكرت صديقتي طاهره وهي زوجه ابن عمي المعاق ] ؛؛ وعزمتها بيوم تحضر وتشوف الوناسه اللي عايشتهااااا [ اقصد تكتشف ويش ذي اللهجة ] ؛؛؛ المهم رحنا سوى وضربنا الباب طبعا فتحت لنا طفله وقالت [ كومار نهي زاده ] ؛؛ المهم فتحت فمي قلت : يالله ترجمي يازوجة ابن عمي ويش تقول الطفله ؛؛ قالت لي : انا مافي يعرف ايترجم !!،، قلت لها : ليه نسيت لهجتك وحفطتي العربيه ؛؛ مو انتي هنديه شلون ماتعرفين ؟! ؛؛ قالت : هذي لغه هنديه بس مختلفه تختص بمناطق معينه وهذول " هندوس " !!؛؛ طبعا دقيت صدري وقلت : اهااا ،، اجل سكري الباب وخلينا نطلع يمه اخاف !!!!! ...طبعا البنت نادت امها .. وحاولنا نتفاهم معاها ان احنا غلطانين في العنوان ؛؛ لكنها ابتسمت واصرت انها تعزمنا ونتفضل ؛؛ طبعا استغربت قلت : حتى هاذول معهم اسلوب الضيافه !!!!! << بايخه ادري
المهم جلسنا خمس دقائق وصرت اكلمها بالاشارات واقول الها ان صوت الموسيقى عاليه وانا مقدر انام ؛؛ فطبعا هزت راسهااااا مبتسمه وبعدين استأذنا للخروج وطلعنا من بيتهاااااا ؛؛
ففرحت كثير ظنيت اني راح اقدر انام مرتاحه ومايصير فيه ازعاج ؛؛ وكلها نص ساعه الا اسمع " ودان دانه خخخخخخخخ طبعا بالهندي !! [ اقصد الموسيقى ] !!
فقلت : يا أنا ياهي بالشقه ،، ترى جد صابني صداع من الاغاني ؛؛ المهم رحت وضربت بابها من تاني عشان تقصر عليه او تسوي حل ! ؛؛ فشفتهاا تأشر لي بمعنى [ انتظار ] ،، فدخلت داخل الهنديه ثواني وطلعت وعطتني اشرطة هنديه [ طبعا قلت بالعربي : صج هنديه ؛؛ هذا دماغ واجد خراب ] ؛؛
فطبعا ابتسمت امفكره اني اشكرهااااا ؛؛ فرحت شقتي والاشرطة معي ؛؛ فقلت ويش الحل ؟! [ عشان تفهم علي ] ،، فقالت لي " الهنديه طاهره زوجة ابن عمي " : اني لازم اشتري اشرطة اغاني عربيه واعمل ازعاج عشان تحس وتفهم !!؛؛ قلت لهااا : لك يابنتي لو بجيب اشرطة هون بتعرفي مصيبه [ الاغاني محرمه ] ؛؛؛ قالت لي : ايه في معلوم !! .......طبعا صارت منافسه وضليت اشغل الاغاني العربيه بصوت عالي [ المصري واللبناني والخليجي ] ....... فطبعا يوم من الايام سمعت جرس الباب فرحت افتحه ولقيت الجاره الهنديه بتكلمني بلهجتهااااا ،، طبعا افرحت افتكرت انها عرفت مقدار الضرر اللي سببته لي ،، وتفاجأت انها تدخل داري وتأشر للاشرطة ،، قلت لهاا : هذا في موت [ طبعا بالاشارة] ؛؛ فابتسمت واخذت شريط وركضت وراها عشان ترجعه او افهم السبب ليش اخذته ؟! ؛؛ فنادت الطفله وكلمتها ؛؛ وقربت الطفله مني وقالت : تقولك الشريط عاجبهااا ؛؛ ممكن تاخذه ؟!!
طبعا هنااا سادني صمت رهيب وعجيب وفتحت فمي مندهشه من الطفله لانها تحكي عربي ؛؛ قلت لها : شو اسمك ماما ؟! ...قالت لي : انا اسمي " هـ " ؛؛ قلت لها : ابوك عربي وامك هذي ؟! ...قالت لي : لاء هذي الخادمه بالبيت ! ...طبعا تقلصت نبضات قلبي ومسحت عرق جبيني قائله : طيب وين امك عنك ..قالت لي : امي مطلقه من زمان ..وابي متزوج وهو طالع معها ،، وانا هنا مع الخادمه بتهتم فيه ! ... قلت : لك العمى على هيك أب ؛؛ وليش مااخذك معه ؛؛ قالت لي : ابي مابيعجبه اني اروح معهم ؛؛ قلت لها : طيب كيفك مع زوجة ابوك ؟! ..قالت لي : لابأس ،، هي مابتعرف شي عني ؛؛ الخادمه هي بمثابه الام والصديقه !! ؛؛ قلت : طيب ويش رايك تجي معي الشقه ..عشان تاكلين معي ؟!...قالت لي : لاء ابوي بيرفض اني اخرج ؛؛ قلت لها : ابوك ويش دراه انك خارجه ؛؛ طبعا اخذت البنت وقعدت اثرثر معها وانبسطت معي ؛؛ لما نامت ! ..فطبعا الخادمه تروح وتجي خايفه انه ينكشف امرها !! .. فحاولت اجلسها مع " طاهره " رفضت وفضلت الذهاب مع الطفله للمنزل ؛؛ فصحيتها من نومها وراحت معها ؛؛ وبصراحه تقطع قلبي عليها تمنيت ماطلعت من داري بس شو بعمل ؟! ... المهم في اليوم الثاني حبيت اطمن عليها ،، فرحت ودقيت الباب ؛؛ مافتح لي احد ؛؛ فقلت : بيجوز طالعين يشموو هواء ... وفي المساء ذهبت مرة اخرى فلم اجد احداً ؛؛ فرحت وسئلت راعي البوابه عن صاحب الشقه ؛؛ قالي : الهنديه سفروها ؛؛ وهو كمان رحل عن الشقه ؛؛ هذا كل اللي بعرفه ؛؛ طبعا توسلت له : وين بيروحووو مثلا ؛؛ قالي : ليش انتي بتقربي ليهم والا شو قصتك ؟! ..قلت له : لاء انا الساكنه القريبه منهم ؛؛ قالي : الله يستر عليك ..والله مابعرف شي عنهم !!!!! ...
وبعد مضي 5 سنين ولازلت احتفظ بالاشرطة الهنديه ؛؛ وصرت بشغلهااا احيانا طول هالفترة ؛؛؛ وحضرت زواج هندي مباشر كمان ؛؛ حتى اني تعلمت كيف يرتدون الزي خخخخخخ ؛؛
|