نفساني - عرض مشاركة واحدة

04-09-2006, 01:08 AM

اقتباس:

المشاركة الأصلية كتبت بواسطة الحر الأشقر

السلام عليكم استاذه شيماء
لدي سؤال بسيط ولكن حله صعب

انا عصبي بدرجه موطبيعيه
واحيانا اكون مروق وفجأه يصير شي تافه وانقلب 180 درجه الى عصبيه وتكدر المزاج

السلام عليكم ورحمه الله وبركاته
يا اهلا وسهلا بالحر الأشقر
مين قال ان الحل صعب بدام فى امل مش ده كلامك
خليك متفائل
الحل اسهل مما تتخيل هو كالأتى:-
لابد من وجود ثبات انفعالى هتقولى ايه هو ايه الثبات الانفعالى ده هديك مثال عليه"سهل الامور ولاتغتاظ من اجل امور تافهه,مثل تاخر قطار او فظاظه سائق تاكسى .وتذكر أنه حتى لو انفجرت
عصبيتك لن تتمكن من تبديل مجرى الاحداث بس الاهيحصل انك من كثر العصبيه والانفعال هيجيلك بعد الشر ارتفاع فى ضغط الدم يعنى ضغط والقلب ...........الخ يعنى المضرور انت فى الأخر

وبعدين أى شخص يتعمد انه يغيظك فى اللحظه ديه فكر فى اى شئ بيسعدك او موقف دحكك ابل كده او اتبارد
وكمان من الحجات الاساسيه الى تعطيك صبر صلتك بالله عزوجل يعنى ممكن تقول هذا الذكر وانت
عصبى "لا الله الا انت سبحانك انى كنت من الظالمين" 7مرات أول ما هتقوله هتلاقى نفسك هديت فى لحظه
وبعدين حاول تكون من مرتبه "الكاظمين الغيظ والعافين عن الناس "
أزاى هئولك
لو حد أساء ليك متردش عليه نهائى ولا بلحلو ولا بالوحش لان فى بعض الناس
لو وقفت أدمهم وهما زعلنين وقلتله استغفر ربنا هيغلط فى الدين كله "والرسول عليه افضل الصلاه و السلام" نهانا عن هذا الفعل والله اعلم .
حول انك تغير مكانك اثناء الزعل او المكان الى فيه شده اعصاب و خليك دائما متسامح فى حقك
وبعدين عود نفسك متوجهش شئ مصيرى فى حياتك وقت نرفزتك ولا تأخذ قرار فى حياتك وقت نرفزتك
ولازم تعرف ان ألى بيتكلموا كثير بيخصروا اكثر وبيغلطوا اكثر فحول أنك تكون قليله الكلام
و بعدين متتوقعش الكمال في تصرفات من حولك, لأنك لو توقعت هذا فستكون تصرفاتهم مصدر إزعاج لك وخذ الأمور ببساطة واعلم أن من يعقد المسائل ويعطيها حجما اكبر من حجمها هو الخاسر دائما.
وحول لو شوفت شيئ هيعصبك اعمل نفسك مش شيفه وحاول تبعد كل البعد عن الاشياء ألى بتعصبك
ودائما تخد نفس طويل وحده وحده وخرجه كله ببطء وكرر الموضوع ده على طول
وحاول متشغلش صوت جمبك عالى او تجلس فى مكان فى اصوات عاليا مثل التلفزيون والكاست والراديو وبالأخص الأماكن الزحمه الممتلئه بالناس والسيارات حاول تبعد عن هذه الاشياء وحاول تمشى نصف ساعه يوميا فى حديقه او مكان فيه خضره سدقنى هتفرق معاك اوى انا مجرباها ابل كده
وحاول تقوم تتوضاء وقت نرفزتك وتصلى صلاه اسمها قضاء الحاجه انا مجربها هى عباره عن ركعتين وفكل سجده تدعى بأى شئ مثلا أن يطول بالك ويكون نفسك طويل ويهديك وخلصك من العصبيه ويحسن خلقك ...الخ
وحاول تبعد عن المنبهات مثل القهوه والنسكافيه والبيبسى
ولازم تأخذ قسطا من الراحة والاستجمام بين وقت وآخر
ولازم تمارس رياضه بأنتظام حتى لو فى البيت المهم المواظبه
والصحيان بدرى مهم اووى حتى ولو عشان خاطر صحتك
وفى تمرين حلو اوى ممكن يطول بالك شويه هو كالأتى:-
هو أنك تجيب ورقه طويله ومسطره وتقعد تقطع الورقه ديه مربعات صغيره أد بعضها عن طريق المسطره لحد لما تخلص الورقه فى الاول هتقطع حبه وهتزهئ فى النصف مش مهم المهم ان كل محاول تبئى من ورقه جديده وحاول لغايت لما توصل انك نقطع الورقه كلها مربعات صغيره متسويه حاول
وقبل ذلك تعوذ بالله من الشيطان الرجيم

ده كله يرجع للأرادتك هل هتكون مستسلم لوضعك من اقل كلمه تخليك عصبى ولا هتتحدى نفسك وتحاول جاهدا انك تنفذ هذه الوصايا ويكون من الصعب ان حد يستفزك او ينرفزك
انا منتظره ردك
فى أمان الله