نفساني - عرض مشاركة واحدة

10-09-2006, 06:34 PM

الله يحييك يااختي بقعة ضوء انا بصراحه اول ماقريت المنتدى كنت اقرا معاناتك وخصوصا ايام الملكه انا طبعا بأوجه لك نصيحه ان المرض اللي فينا زي اي مرض ثاني يعني لاتحطين من الحبه قبه يعني لاتقولين لزوجك ترى فيني مرض نفسي طبعا بيفهمها غلط لان اغلب الناس اذا سمعوا ان فلان مريض نفسي خلوه مثل المجنون وهذا والله قمة الجهل عادي خلي الامور طبيعيه لانها مجرد عارض بسيط يروح ويجي ولا يسبب لك او له اي اذى وتوكلي على ربك واذا كان يحبك صحيح راح يستحمل اللي فيك لان الحاله لو كانت فيه هو راح تستحملين صح ولا لا انا طبعا جتني الحاله ملره واحده قبل زواجي اذا كنت قريتي قصتي ومابدت تتكرر الا بعد الزواج يعني قبل ماكنت اعرف وش اللي جاني لانها جتني بس مره وحده وبعدين لما تكررت واطلعت عرفت وش فيني على العموم صدق من قال(العلم نور)والله يوم بديت اقرا واتثقف من منتدانا هذا ومن باقي المنتديات عن الهلع والقلق والوساويس واعلم ان الله يبتلي العباد والله هانت علي المساله والحمد لله اما بالنسبه لاقوى الحالات اللي تجيني يأخ عيد فهي تشتد الليل احيانا اقوم من النوم مفزوعه والحمد لله اخر مره جتني الحاله يعني قويه مو مجرد قلق من شهر تقريبا مع العلم انه اخر مره تجيني قبل مااوقف الدواء من 10 شهور لان الدكتور على قوله ماراح تجي ابد والله اعلم على العموم اذا ماعليك امر يأخي عيد وبقية الاخوه والاخوات في المنتدى كل واحد يكتب عن المعلومات التاليه:1-متى ابتدت به حاله الهلع وهل كانت شديده جدا؟
2-في اعتقادك السبب اللي ادى لحدوثها يعني قبل حدوث النوبه هل حدث شى اثر في نفسيتك؟
3-هل حدوث النوبه منتظمه عندك ام من حين لاخر؟
4-هل تعاني من الاضطراب(حدوث النوبه اكثر من4 مرات في الشهر)ام نوبات(على فترات متباعده)حدد كم مره
تأتيك في الحالتين؟
5- ماالاعراض الجسميه التي تظهر عليك واكثر يعرض يؤثر على نفسيتك؟
6-ماذا تفعل عندما تواجهك النوبه؟
7-هل عرضت نفسك على طبيب نفسي وماهي الادويه التي تستخدمها وهل ارتحت لها وهل انقطعت النوبه تماما ام بدات تخف بالتدريج؟
وشاكره لكم تعاونكم