نفساني - عرض مشاركة واحدة

12-09-2006, 12:43 PM

مأخرة ..مأخرة ....
الله يخليك ..جيبيلي ..الساعة نسيتها ...وبطريقك الموبايل .....لحظة ....اذا لا قيتيلي الورقة اللي عم دور عليا خبي لي ياها ....يلا ..باي
.....
يالله اللي بغير ..عادتو بتقل سعادتو ...يعني ما بصير بلا هاللهوجة ...

.....
منيح انو المشوار ..قريب ....ما رح اتأخر ....مع اني كان لازم قوم قبل بس شو بعمل نفساني شاددني ....
...بس ...ياالله شو هالمنظر ....هلاأهيك وصل التطور بالحجاب ....عاملة ستين ربطة ولون يا ربي الله يكون بعونها ...عاملة وردتين هههه منشان اللي بدو يشوف من الطرف التاني .....
ويا بييي على هالوج ...الظاهر انها كانت مستعجلة ...وبلش الخربطة بالالوان معها ...يا ربي سامحني ...اذا انا بنت ...وما قدرت الا انو اترك عيوني تستغرب الديكور ....
يييي لحظة ....لازم انتبه ...للا شارة ...احسن ما روح شهيدة هالحالة ...
لانو السيارات مثل الصواريخ ....وطلاب المدارس يصطفلو ....
.بكمل ولا شو ...؟؟
شو رح قلكم اني شفت ....شفت ...شي خلاني اوقف لحظة مع حالي وقول ... يا سيدي يا رسول الله ...يا ترى اذا شافت هالبنت حالها قدام الرسول ..رح تضل هيك ..متل ..ال ...الجاهليات ...ولا هالشباب المايع السايح على حرارة الفساد ...اللي اسمحولي "بيقرف "..بس عم يقلد بكل غباء ..بدون ما يعرف اذا بيناسبه او لا .....
...يالله منيح انو وصلت ....وكان المشوار قريب احسن ما اكتبلكم جرايد ....
لانو الواحد ........بيقيلو شوي......بيصير متل الدون كيشوت ...اللي عم يناطح الطاحونة الهوائية ...
الله يقوينا ....
....