|
شكرا استاذ عيسى ولكني مازلت محتاجه نصيحتك
السلام عليكم ورحمة الله وبركاته
شكرا استاذ عيسى على ردك الجميل واعترف انه خفف علي لاني كنت واجد متضايقه من نفسي
لكن بقت عندي مشكله انا الان عمري 36 وغير متزوجه وعايشه مع امي لخالنا وما عندي اخوات عندي اخ واحد ومسافر بالخارج للدراسه وحتى لو كان موجود نحن بعاد عن بعض والصراحه اعاني من فراغ و وحده رغم اني باستطاعتي اسافر واشترك ف نوادي وادخل سينما واروح واجي براحتي ومافي احد يسالني عن حياتي والله العظيم اني مفتقدة حياة الاسره الكبيره والحياة اللي فيها الكثير من الصداقات والصراحه يا استاذ اخجل اني اقولك اني يمكن كنت قاسيه لاني مع الاسف مالقيت الحنان من امي وانا صغيره امي كانت وايد قاسيه لدرجه ما تتصورها وكبرت وانا القسوه والجمود طبعي حتى البكاء ما ابكي بسهوله بس الحين الاوضاع تغيرت انا كبرت وامي كبرت واكره اني اقول اني ما احس بصوبها بأي حنان بس هي امي والله اني اكتب لك وانا ابكي على حالي صرت في هالسن وما اقدر اغطيها الحنان وبنفس الوقت انا محتاجه له
|