نفساني - عرض مشاركة واحدة

27-09-2006, 10:50 PM

السلام عليكم ورحمة الله

كل عام ونتم بخير يارب ...وتقبل الله منا صيام هذا الشهر يارب

كيفكم يااخوان ...الجميع بدون تحديد

احس انكم بخير ...لاني قريت اللي فاتني من الردود ...وفرحت لكم وربي كثير

.................................................. .......................................

في ليلة رمضان ...قلت لنفسي مهما يصير فأنا بشهر فضيل ...وحطيت اسؤأ احتمال اني بموت ...وعندي قناعه ان ابواب الجنة مفتوحة

وهذا الشي اعطاني شجاعه مو طبيعيه ولله الحمد ...يعني مهما اي فكرة تهاجمني ..اقول لنفسي حتى لو بموت بدخل الجنة ..وهذا مخلي نفسيتي شوي متحسنة

.................................................. ......................

الاكتئاب وماادراك مالاكتئاب ....احس انكم ماتطرقتو لهالشي ..او ماادري يمكن محد حسه ..اتمنى انه مايمر عليكم ...لانه فعلا عذاب

يوم تحس ان الشعور بالفرح ميت بالنسبة لك ...وان الحياة كلها خوف وألم ...لكن ماباليد حيلة سوى الصبر والهروب من الذات .

.................................................. ..........................

دعوني اصارحكم بشئ مهم ...وماادري بيفيدكم او لا ..لكني من باب الصداقة والاخوة والامانة قررت اقولكم

تدرون ايش

انا يااخوان كنت مثلكم ...كنت اراقب دقات قلبي بالشهور مو بالايام

اراقب تنفسي ...اراقب حرارتي ....اراقب اشياء كثيرة بجسمي ....كنت اخاف اني بموت ساعتها

لكن

مراقبتي لجسدي راحت ....وصار عندي خوف من اشياء ثانيه من الظواهر الطبيعيه ....من تفكيري لانه اغلبه تفكير سلبي

لي فتره طويله اكثر من سنه ....ويمكن اكثر ..نسيت جسمي ومهما صار مايهمني ...لكن الخوف تحول الى شئ ثاني

صدقوني راح تتشافون من مراقبة الذات ...والتفكير بهالشي ...راح تنسونها ...لكن اللي اتمناه منكم ..انكم تحاولو لاتحطو خوفكم بشئ ثاني ... يعني استغلوه بأاشياء كثيره غير الخوف ...

هذي قصتي ...انا نوباتي تختلف عنكم الان ...احس بغربة في الحياة ...احس اني بهرب لمكان وينه ماادري ..لكن ابي اهرب وبس

هذي نوبتي الان ..والحمدلله على كل حال

.................................................. .................................................. ..........

مدري كلامي اعلاه بيفيدكم او لا لكن حبيت اقوله ...ونا واثق انكم راح تنسون اجسامكم ...بس خلو عندكم اصرار وعزيمه وادري انه هالشي صعب بالبداية لكن مع الاستمرار ....راح تنسووون ...واتمنى ماتمرون باللي مريت فيه ....

اكون على فراشي وعقلي هايم في الحياة ....لكن بنظره غير الاولى ...اختلفت بعض المفاهيم ..والحمدلله يارب

اسأل الله العظيم ان يشفيني ويشفيكم ..وان يرحم جميع اموات المسلمين والمسلمات يارب

واسف على الهذره الفاضية