نفساني - عرض مشاركة واحدة

28-09-2006, 03:38 PM

اليوم الخميس /
معزومين في بيت العائله الكبير لزوجي ؛؛ وعبدالله فرحااااااااااان وعاملي ازعاج من الصبح ؛؛ يماما متى نروح بيت جدي ؟ ؛ اقوله : ان شالله بعد 3 ساعات بسوي كم طبق ؛؛ قالي : ابغاش تسوين أيسكريم وكيك حلوووووو ؛ قلت له : ان شالله ؛؛ ورد ثانيه وقال : ماماا ابغى تشترين هديه ؛؛ قلت له : ليشششششششش ؛؛ قالي : عشان نور << خخخخ طبعا مو نور اللي بالمنتدى !
طبعاً هزيت راسي وعرفت السالفه ليش عبدالله مستعجل على الروحه والفطور ؛ اثاريه مغروم ويبي يشوف حبيبته ؛؛ وحاولت اقوله : شوف يماما البنات عيب يكلمونهم بس يجلسون جنبهم بأدب واذا كلمتك لاتعطيها وجه ؛؛ بعدين امها تضربك ! << خايفه على ولدي من الانحراف خخخخخخخ
قال : لاءءءءءء ماتضربني اصلاً هي تحبني موووووووت ودايما تخليني مع نور ؛ وابغى انا افطر مع نوووووور بس لحالناااااا ؛؛ طبعا كنا نتكلم مع بعض وفجأة جه الاخ الثاني العزيز " عامر " ؛ وكان ضارب بوز ؛؛ فقلت له : ليش زعلان ؛ تبي تفطر وتاكل ؛؛ قال : لاء ابي اضل هناااا مابي اروح بيت العايله ؛ قلت له : طيب ليييييييه ؛؛؛ قالي : عشان نور انا مااحبها دايما تضربني ؛؛ فضربت راسي بالخفيف قلت لاحووووووووووول على نور من الصبح ! ؛؛ فسمعه عبدالله وقاله : نور هذا لي ماتقرب منهاااا واصلا هي ماتحبك لانك تضربهااااا ؛؛ طبعاً تخيلت روحي كني في فيلم توم وجيري ؛؛ حاولت اخزق عيني في عبدالله عشان يهدأ ؛؛ واقوله : شوف اذا بتتخانقوووووووو مافي لانور ولا فطوووووور ؛؛ صار عامر يتضحك مبسوط وبيطلع لسانه لعبدالله مشان يغيظه ؛ فحاولت اضرب فمه عشان مايكرر ذي العاده ؛؛ فانسحب عبدالله بكل هدوء وراح يتابع التلفاز على قناة " المجد ساعه وعلى قناة الفجر" ؛؛ اما عامر صار يحضن فيني ويبوسني ويقولي : ابغى اعمل طبخه معاك عشان اقول ل نور هذي انا اللي مسويها هههههه طبعاً ضحكت على النذاله !! ؛؛ فقلت له : اوكي يالله ؛؛ بس خليك بعيد عن الفرن لانه حار ؛؛ جبت له طحيييييين قليل مع ماي وخليته يتسلى ويعجن فيه عشان لايحترق ونتوهق مع اهل ابوه ؛؛ ففجأة طلع بالصحن الى الصاله عشان يوري عبدالله الطبق وهو مبسوط ويقوله : تعال شوف يياااااااااااااي ؛؛؛راح اسوي بسكوته عشان نور تذوقهااا وهو يتضحك !! ؛؛ قاله وهو يتبسم مابي اوسخ ثيابي ؛؛ سوها لوحدك ؛؛ اصلاً هي ماراح تاكلهااااااا ؛؛ قاله : امبلى راح تاكلها وتعطيني هديه ؛؛ فرد عليه عبدالله : امممممممم اصلاً انا بقول لها لاتاكلها ؛؛ فضرب بوز عامر وصار بيصرخ : مامااااااااااااا ؛؛ فطلعت من المطبخ اشوف ايش القصه ؟!! ؛؛ قالي : شوفي عبيدوو يبي ياخذ الصحن مني ؛؛ طبعاً عرفت الاعيبه فقلت لعبدالله : ماما شوف اخوك الصغير بالغرفه عطه الرضاعه لانو جوعاااااااان ؛؛؛ اما عامر قلت له : الحين انته راح توسخ الطحين اذا ضل بالصاله وراح ارميه لانو الغبار صار فيه ؛؛ فيالله تعال المطبخ ؛؛ فهز براسه ومسك يدي وصار يلعب بلعجين لوحده وكل ساعه بيصرخ : هات الصينيه ؛ وقطاعة الاشكال ؛؛ لانو بدو يقلدني ويعمل مثل مااعمل ؛؛؛ واناا رايقه لاني متعوده على الوضع ومتفهمه طبيعة كل طفل ! ؛؛ اما ابو العبد " نايم " وكل ساعة بيقول : ايش هذا الازعاج والله ماني حاس اني في رمضان !! ؛؛ فحبيت الطف الجوووووو معه ؛؛ فجبت الصغير ينومه في حضنه ؛؛ وقلت له : شوف يادب عاد انتبه للولد لايررررررروح شهيد !!

وللحديث بقية انتظرونااااااااااا