نفساني - عرض مشاركة واحدة

29-09-2006, 04:56 PM

وبعد ماتجهزنااا ولبست كل الاولاد وكنا نبي نطلع ؛؛ فجأة لقيت عامر يصرخ
انا ابي البس ثوب وشماغ احمر مثل بابا ؛؛ قاله ابوه : البدله احسن ؛؛ عشان تلعب براحتك ؛؛ الثوب راح يحبسك ؛؛ وبعدين ترى تأخرنا ؛؛ وطبعاً حمله ابوه على كتفه وصار يصرخ : ابي شماغ احمرررررررر وثوب نقرتين لعرض الصورة في صفحة مستقلة

؛؛ وركبنا السيارة وصار عبدالله يكلمه ويهدي فيه ويقوله : الحين راح نشوف نور ونلعب معهاااا ؛؛ فشويه سكت عامر بالطريق ؛؛ ووصلنا لبيت العائلة ؛؛ واخذ ابو عبدالله الاولاد لمجلس الرجال الخاص عشان الفطور وانا دخلت مجلس النساء طبعاً ؛؛ وسلمنا على الجماعه وجلسنااا ؛؛ والفطور كان جاهز نقرتين لعرض الصورة في صفحة مستقلة

؛؛ وبعدين اتصل علي ابو عبدالله يقولي : ويش في ولدك اليوم ؟..ترى جن له نص ساعه وهو يصرخ : الكيكه هذي انا مسويها لنوووووور نقرتين لعرض الصورة في صفحة مستقلة

؛؛ طلبت منه انه يحط بفمه الجوال عشان اكلمه واقوله : شوف يماما كيكة نور هنا ؛ وهذيك مو حق نور انا اللي مسويتها [[ ابي اسكر فمه لازم نحتال عليه والكيك انا اللي عاملته ]] ؛؛ وبعدين قلت له : يطلعه من المجلس ويحضر لي ؛؛ فجه وهو ماسك قطعه صغيرة من الكيكة وضارب بوز وبيقولي : هذي كيكة نور أكلوهااااااا ؛؛ قلت له : ايه ماعليه ؛؛؛ تعال اجلس مع الاصغار هنا [[ كانت الهم سفرة خاصه ]] ؛؛ فجلس معهم وكانت بنت عمه الثانيه اسمها " مروى " ؛؛ حبت اتضيفه المسكينه وتعطية عصير ؛؛ اما نور ماجابت خبره !! ؛؛ فقال لها : هذي انا اللي مسويهااا وكمان هذي وكمان هذي ؛؛ وصارو النسوان يتضحكو عليه وعلى كلامه !! ؛؛ قلت لهم : مراهق في الثالثه من عمره ايش نسوي ؟! ..... المهم انه تفطر واكل معهم بهدوء وخلصنا ؛؛ وجلسنا نشرب الشاي ونتسامر ونسولف مع الجماعه الى الساعه 8 ؛؛ وطلعنا بعد ماودعنا بعض ؛؛ ولقيت عامر مبسوط ينطط فوق الكنبه ويلعب مع الاصغار ؛؛ مو راضي يروح معي ؛؛ طبعاً صرت اقوله : انا رايحه خلاص ؛؛ فحضر عبدالله وسحب اخوه ؛؛ ووصلنا للسياره وقالي عبدالله : ماما نسيت الهديه ؛؛ قلت له : ماعليه مره ثانيه ؛؛ اما عامر لقيته كاتم الصوت فجأه ؛؛ ووصلنا للبيت ونزل ابو عبدالله وفتح باب السياره عشان يحمل عامر ؛؛ فصار يقول : ابي العب مع مروى وهند ؛؛ قاله ابوه : باكر اوديك لهم خلاص ؛؛ قال : انا ابي بنوته تلعب معي [[[[[ هذا الموضوع بيطفرني جد ]]]]]] ؛؛؛ قاله : ان شالله نشتريلك وحده بس ماتصيح !!! ؛؛ ولما دخلنا البيت متل العادة ولعت الانوار وشغلت التكيييف ؛؛ وطلبت من عبدالله انه يروح ينام شوي مع اخوه الى وقت السحور بصحيه ؛؛ عامر رفض ينام بسريره يبي يسهر شوي وخليناه معنااا ؛؛ ونام على كتف ابوه وحمله لغرفته ؛؛ وبعدين جلس معي وقالي : تصدقين عامر ذكرني بأيام الشباب والتطعيس والمغازل والحركات خخخخ ؛؛ قلت له : نعم ؛ بعيد الشر عن ولدي تقول عنه كذا ؛؛ قال : والله اكلمك جد ؛؛ وقت ماكان يصرخ " انا اللي مسويها لنووووور " ياعالم ياهوووووو ماتقربو الكيكه يعني ؛؛ ضحك " ابو نور " وقال : خلاص من الحين راح تصير نور عروسه لعامر ؛؛ طبعا قلت : لاء وستين الف لاء ؛؛ هذي هادم اللذات ومفرق الجماعات ؛؛ فجاوب بنبرة سخرية : لاء ياشيخه ؛؛ يعني ماتبين تصير عروسه لولدك ؛ قلت : لاء مابي × الا هذي عاد من زين حركاتها وبعدين اكبر من ولدي عبدالله بسنه ؛؛ صار يقول : حيلك لاترفعين صوتك اشوفك عصبتي فجأة ؛ قلت : ماني معصبه ؛ بس تحلم انها تكون عروسه لاحد اولادي ....... قال : اجل بزوجهم لبنانيات وبتزوج معهم خخخخخ ؛؛ قلت له : ايه على مابال اتزوجهم مستحيل تلقى احد يطلع في وجهك ؛؛ لانك شيبت وانتهت صلاحيتك وماعاد تصلح للشغل والرزه !!! ؛ فرد وقال : انا شاب وراح اضل شاب واموت شاب ؛ الا عاد انتي مثل القدر يحلي ويصير لونه اسود وانا متل الغطاء مال القدر مايتغير مع الزمن خخخخ ؛؛ طبعاً ضحكت على التشبيه !
وسلامتكم