نفساني - عرض مشاركة واحدة

29-09-2006, 11:25 PM

بسم الله الرحمن الرحيم
ابي اكتب موضوع جديد
لي يومين افكر وش اكتب يالله ابي شي غير
ابي جديد جمعت اهلي ابحثوا لي مافية تراويح اليوم
للاسف ما عطوني وجة
قلت بس ما فية الا الوالدة يمكن عندها شعر(تدرون عاد العجايز وشلون يغارون الا شباب)
يمة تحبين ابوي
قالت بسم الله علية وش فية
قلت لا بس سوال
قالت لا ما احبة قلت افا وش دعوة
هذا ابو عيالك
قالت قولي اخلصي وش تبين(عاد الوالدة مدرسة)
ابي ابي ابي ممممم
قالت وش فيك لا يكون ابوك تزوج
قلت دامك ما تحبينة وش عليك منة
قالت الغلا بالقلب
امي انت بطولين الموضوع بصراحة ابي موضوع اكتبة في المنتدى
وقلت اكتب شعر من اشعارك
وانت عاد ما تقصرين
مادريت الا الي قامت
ما عندي اشعار واذا تبي تكتبين اطرحي عليهم شي مفيد
قلت احلا يا ام الافكار
عطينا قولي وانا اكتب
قالت الاقتراح الاول كل واحد يكتب وش بيهدي امة في العيد
والاقتراح الثاني كل واحد بمناسبة رمضان يسدد فاتورة امة
اوووووووووووووووه امي انت تبين كل شي لصالحك
اقول ابدور احد غيرك
اممممممممممممممممممممم
لقيتها
موضوع اخوي عبدالله قبل فترة ارسل لي موضوع حلو
فكرة والله ابكتبة لكم
لانة عاجبني كثير
تعرفون الفيلسوف لازم يبدا بقصة
كانت بمنتهى الروعة
كان هناك طفل يصعب ارضاؤة
اعطاة والدة كيس ملي بالمسامير وقال لة قم بطرق مسمارا واحد في كل مرة
تفقد فيها اعصابك او تختلف مع اي شخص في الاسبوع الاول قام الولد بطرق37
مسمار وفي الاسبوع الثاني تعلم الولد كيف يتحكم في نفسة وكان عدد المسامير ينخفض
الولد اكتشف انة تعلم بسهولة كيف يتحكم في نفسة اسهل من الطرق على سور الحديقة
في النهاية اتي اليوم الذي لم يطرق فية الولد اي مسمار على السور
عندما ذهب ليخبر والدة انة لم يعد بحاجة الي ان يطرق فية المسامير
قال لة والدة الان قم بخلع مسمار عن كل يوم يمر بك دون ان تفقد اعصابك
مرت عدت ايام تمكن الولد من ابلاغ والدة انة قام بخلع جميع المسامير
بعد ذالك قام الوالد باخذ ابنة الي السور وقال لة
((( بني لقد احسنت التصرف ولكن انظر الى هذة الثقوب التى تركتها في السور لن
تعود ابدا كما كانت)))
عندما تحدث بينك وبين الاخرين مشادة او اختلاف وتخرج منك بعض الكلمات السيئة
فانت تتركهم بجرح في اعماقهم كتلك الثقوب التي تراها
انت تستطيع ان تطعن الشخص ثم تخرج السكين من جوفة ولكن تكون قد تركت اثرا لجرح غائر
لهذا لايهم كم مرة من المرات قد تأسفت لان الجرح لا يزال موجود
جرح اللسان اقوى من جرح الابدان
وهالحين وش رايكم
كتبت موضوع زين يستاهل توقيعكم
امل ان يعجبكم
على فكرة انتم اصدقائي واتمني اني ماغلطت على احد عيكم يبوم من الايام
اختكم ((ممارسة نفسية))

المصدر: نفساني