|
تعبت.... وربي تعبت...........
السلام عليكم ورحمة اللة وبركاتة
بكل أمانة سجلت في هذا المنتدى الرائع لاني ماقدر اطرح مشكلتي لا لامي ولا لأقرب صديقة.....
لاني مقتنعه ان الامور الشخصيه بين الزوجين ماتطلع برا
لانها اكيد بتكبر ....عالعموم مابي اطول عليكم
انا عمري 21 ومتزوجة من 8 شهور من الشخص الي احبة ويحبني من سنتين تعارفنا من النت وحبينا بعض كثير وكنت اثق فيه كثير بشكل ماتتخيلون
وقتها كنت امر بظروف عائلية سيئة جدا جدا بسبب ابوي لانة كان مدمن خمرة وحشيش و ساءت حالته كثير وصار كله يصرخ ومو متحمل احد ويشك فينا كلنامع انه قبل كان حنون كثير مدلعنا لابعد حد فكانت صدمة كبيرة أثرت في البيت كله........
ماكان مهون علي ويطلعني من الجو المشحون الى حبيبي
مع اني ماكنت اقول له اي شي في البداية بس كان يحس فيني
بس جا يوم كنت منهاره وتعبانة نفسيا لان امي طلبت الطلاق
قلت له حالنا بشكل مختصر......
وبعد مرور سنة من تعارفنا طلب مني الزواج فرحت بس كنت خايفة ابوي يرفض لانه كان بس يبي يضايقنا ويعاندنا في كل شي عشان بس يقهر امي........... اتفقنا اني افاتح امي بموضوع الزواج واقولها انه في واحد متقدم من طرف خويتي.......
المهم بعد شهور من اخذ ورد في الموضوع انه ووشلون يقابله ابوي لانه فاقد 24 ساعة.... كان يلعب بمشاعرنا فكان مره يقول موافق ومره يرفض فتخيلوا الجرح الي كنت احسه انا بنته ويسوى فيني كذا ........
في الاخير اقتنع انة يقابله وكنت حاطه يدي على قلبي
قبل يومين من موعد المقابله توفي ابوي الله يغفرله و يرحمه برحمته بسبب جرعه زايدة من الخمر والحشيش
انصدمنا صدمة مابعدها صدمة انسان نحبه بكل مافينا عذبنا وجرحنا وحرمنا منه وراح وهو موحاس فينا راح واحنا كنت زعلانين عليه كثير راح قبل لا يرجع ابونا الحنون ويضمنا بصدره
كان كلنا امل انه يرجع مثل اول بس الحين مات الامل معاه.................................
وبطبيعة الحال تاخر موضوع الزواج وبالأخير تم ...... وكانت فرحة ممزوجه بحزن عميق لاني كنت اتمنى ابوي الله يرحمه يكون معاي بهاليوم......
في بداية الزواج كنت اتناسى ان ابوي مات لدرجة اوهم نفسي انه مسافر وبيرجع وماكنت ارضى احد يتكلم عنه بحضوري عشان اقدر بسعادة مع زوجي............. مر شهر والقى تحت الطاولة (ورق الشام )وللي مايعرفة يستخدم مع الحشيش كنت اشوفه عند ابوي....
.......................... وقف قلبي مرت الف فكرة براسي بتعذب زي امي او اطلب الطلاق وتتدمر حياتي بعد شهر واجهته بعنف قلت له وشلون تسوي فيني كذا وانت عارف ماضيع اهلى وموت ابوي الى هالاشياء ليش ماقلت لي من البدايه وخليتني عند اهلي بدل مانصدم مرة ثانيه حس انه بيفقدني فقام يبكي ويحلف انه ماكان يعرفه واستخدمة عشان كانت عنده ضغوط بسبب مشاكل اهله وحلف لي بالقران انه مايرجع له وقال انا واعدت ربي اني ماارجع............
فكرت قلت عشان الحب الي بيننا بعطيك فرصة والايام تثبت لانه اكيد بيبين عليه مع انه في البدايه كنت ملاحظه ان عيونه حمرا ومره رايق بس كنت اقول اكيد لاننا تونا متزوجين وكنا نسهر.........
ومرة سافرنا للبحرين وشفته يشرب بيره واحنا في الأوتيل تفاجأت وصارت مشكله كبيره مع انه مفهمني قبل الزواج انه عمره ماذاقه
والحين يقول يشربه من فترة لفترة وبكذا ماياثر في الواحد ويحاول يفهمني انه مو زي ابوي يوميا يشربه ؟؟؟؟؟؟؟؟
احساسي فضيع ان اقرب الناس لي يعذبوني ويكذبون علي........
حسيت انه مصر انه يشرب من فتره لفتره حاولت فيه ماقدرت يقول عقل براسي ماحبيت اضغط عليه عشان مايكذب علي
وفكرت ان مالي غير ربي ادعيه انه يبعده عن هالشي
وسويت كذا عشاني احبه...........
سافرنا عند اهله في العطله ويوم من الايام مسكت جواله قلبت فيه لقيت رسايل من وحده تعتذر وارقام ممسوحه من الصادرة والمستلمه وموجودة في السجل مااقدر اقول لكم وش كان شعوري يدي انشلت من الي لقيته دقيت على الارقام طلعوا طبعا بنات........... كان نايم وصحيته ضرخت بوجهه وطلبت الطلاق كان وقتها مر بس 5شهور وحاول يهديني طردته من الغرفة
قعدت طول اليوم محطمة كنت ابغى امسك نفسي عشاني في بيت اهله لأول مره ثاني يوم طلعنا برا البيت قلت له ابغى اسافر لاهلي وارسل ورقة طلاقي قعد يتاسف ويحلف انها علاقات قديمه
وانه غلطان انه مانهاها ومن هالكلام ورفض يحجز لي
........... سكت قلت يصير خير بس نرجع
بعد مناقشات كثيرة اقتنعت بكلامه وانه بيخلي الجوال عندي طول الوقت
قلت يمكن للحين مو متعود على الزواج والمسؤوليات يمكن غلطانه
لاني من عرفته وانا مافكرت اخونه صنته حتى بعيوني بكل شي
الي قاهرني اني ماقصرت ولا بشي لا بدلع ولا بحركات بحبها ولا بلبس ولا بالطبخ الي عمري ماطبخت في بيت اهلي سويت كل شي يريحه من كل ناحية ولا ادري وش مصيري بالنهايه......
الحين بعد 8شهور مالاحظت شي من ناحية الحشيش بديت اثق فيه من هالناحيه والشرب للحين ادعي........
قبل اسبوع لقيت رقم من الارقام الي يعرفهم داق عليه وعرفت من السجل نفس قبل وواجهته وزعل وقال انا مالي دخل وانتي ماعاد تثقين فيني وتشكين بكل شي انا ماعاد اتحمل ولا عاد تفتحين لي هالسالفة انا وعدتك وخلاص صدقي ولا لا انتي اصلا متاثرة من ابوك وتحسبين كل رجال مثله؟؟؟؟؟؟؟؟؟؟؟؟
حسيت انه فعلا ماله دخل......
بس غير جواله لنوع ثاني غير نوكيا يعني مافيه سجل والي ينمسح يروح
انااااااااااااا صرت عايشه بشكووووكي موقادره اتخلص منهااااااااا
تكفوووووووووون قوووولولي وش اسوي اقوله ليش غيرته
احااااااااااااااسبه على كل شي او اتركه وخلاااااااااااص كل شي ينتهي
او اطنش والي يسويه يسويه
تكفوووووووووووووون ساعدوني قلبي يحترق
ادري طولت كثيييييييييير واشياء قلتها يمكن من باب اني ابغى افضفض
انتظر ردكم
|