02-10-2006, 03:57 AM
|
#3
|
|
عضو شرف \عضو نادي المتفائلين
|
بيانات اضافيه [
+
]
|
|
رقم العضوية : 12433
|
|
تاريخ التسجيل : 01 2006
|
|
أخر زيارة : 24-06-2009 (06:38 PM)
|
|
المشاركات :
2,708 [
+
] |
|
التقييم : 23
|
|
|
لوني المفضل : Cadetblue
|
|
ياهلا والله حياتي د.سها مزيد
وعليكم السلام ورحمة الله وبركاته ؛؛؛؛؛؛ وبعد
بالبدايه لك الله يعينك على فلسفتي هههههه ؛؛ بس اكيد مشكوره بتعبك معي
ثانيا : والله برافو عليكِ أخصائيه ممتازة جدا عالكلام والرد ؛؛ بس اقولك الصراحه انا انسانه الحمدلله سهلة التعامل مع أطفالي وعملت متل ماقلتي وكتبتي ؛ حتى اني عملت برنامج صرت أمشي عليه بشكل يومي بما يخص الاكل ؛ بالبدايه جاب نتيجه بس بالنهاية رجعت الاسطوانه تاني ومثل ماحكيتي انه في هذا السن يبحث دائما نحو التغيير والتجديد ...وقطعت عنه " الحلويات " بس مامشى الحال ؛ لانو انا ذهبت لاخصائي وعملت فحوصات طبية شامله لابحث عن اي سبب عضوي بس قال مافي شيء ؛؛ شوية تحدي بيني وبينه يعني ؛
ثالثاً : أنا سافرت عنهم لمدة اسبوع دون سابق انذار من شهر ؛ ورجعت ولقيت الحالة تكررت بزيادة ؛؛ وحاولت اطمنه انه ماراح اغيب عنه ؛ وهو متعود ينام بحضني دون اخوانه ؛؛ علماً بأن هناك طفل رضيع 10 شهور يعني أصغر منه ؛ وهو بيتشارك مع اخوانه بالغرفه الصغير والكبير ؛ وهي غرفة جدا هادئه ومهيئه للنوم وأضائتها خفيفه خاصه بغرف النوم ؛ لكن هو بيطلع بستين الف حجه وحكاية مشان يطلع من الغرفة ؛ فخربطنا العمليه وصرت بنام معهم على اساس انه يتعود عالغرفه والحمدلله مشى الحال لفترة محدوده ! ........ ورجع يطلع جنان راسي من تاني ببكاءه وبطلباته اخر الليل ؛؛ والحمدلله انا انسانه مابتعامل معهم بالضرب مطلقاً ..بالعكس بقعد بحاوره ومرات بيسهر معي [[[[ هههه طلعت فضايحنا راح تقولي الحق عليك بعرف لازم اغير روتين حياتي ]]]] ...
بحممهم بشكل يومي وقبل النوم دائما ؛ وبخليهم مثل الملايكه هههه ؛ يعني بعمل الهم أجواء خاصه وبأكلهم كويس وبعمل اللي بيحبوه ؛؛ وهو بالذات بس يطلب حاجه بعملها حتى لو كانت بالخارج بتصل كرمال يجيبوها بس المهم انه طلبها ؛ لكن بالنهايه لما بجيبها بيرفضها وبيضل يقول : مابي خلاص ؛؛ بدي هذاك ؛؛ بيقصد اللي مع اخوانه ؛؛ وانا فاتحه اله مجال ياكل براحته سواء بيده او بالشوكة او الملعقه ؛؛ وبحاول كمان انه يذوقني طبقه مشان ينبسط وياكل معي بس مافي فايده !!! .....
وقت النوم المحدد 8 بالليل ؛؛؛؛؛ بس هو بينام 3 فجرا ؛؛ بس مرات بيضل للصبح وبيصرخ مشان يصحي اخوانه فبضطر اني اخرج معه للصاله <<<< حاسه حالي بتمارين للتخسيس مع الارهاق
وبضل احكي له قصص وروايات ومرات بشغل مسجله لتلاوة القران وبيهدى بس بيضل صاحي ومفتح عيونه ؛؛ فاكيد انا بنخمد وبنام لانو مش معقوله والا اعصابي راح تتوتر وبصير عصبيه هههههه ؛ لانو جربت حالي مانمت اسبوع كامل القيت حالي نفسي اضرب عنجد !!
وسوري للثرثره ؛؛؛؛ ويعطيك الف عافيه
|
|
|
|