نفساني - عرض مشاركة واحدة

15-10-2006, 12:50 AM

ماشاء الله حلو الواحد ياخذ المشوره وفي الاخير القرار قراره
انا من رأيي المتواضع

انه لو كان ولدك فانا اشوف تعطيه الجوال لانك ابوه وبتحرص عليه لكن لو اخوك فانا اقول لاتخرب الولد :)

وتفتح على ابوك باب يمكن مايقدر يوقف حارس عنده :)

وانا انصحك اخوي ان الهديه ماتكون هدية عيد لان هدايا العيد الثمينه للأ طفال والمراهقين تكون دلال زائد وتعود الابناء على حياة الترف ويصير يعتقدون ان في العيد ممكن كل شي يصير او ان الحصول على بعض الاشياء يكون بكل سهوله

وبما انك ناوي تقدم الهديه فخل سبب الهديه هو مكافئته على شي قام فيه وبما ان الوقت معك بدري قبل العيد تشوف كم يوم صام في رمضان والي اعرفه ان الولد في هالسن احسن من البنات في الصيام لان اخوي في عمره و صام الشهر كامل العام الماضي وعلى هالاساس تكون هديته مكافئه لصيامه ومحافظته على الصلاة في رمضان وتكون في العيد
بس مو عشان العيد عشان صيامه وقيامه وتصير فرحته فرحتين :)

وعلى فكره كلام الاخوات صح في انه غلط يملك جوال بلوتوث لانه في هالسن مو من صالحه يشوف الهوايل الي تنتشر بالبلتوث ومن الصعب عليك تراقب جواله او وش يستقبل من الاخرين
وصدقني اصلا بما انه ماقد امتلك جوال راح يرضيه اي جوال المهم جوال بس :)

وانا انصحك بعد تاخذ منه وقت فرحته بالهديه << فيها نذاله شوي :)
تعهد خطي بانه مايطالب بجوال بلوتوث
وانه يرضى بشريحة سوا أو حد أئتماني
وانه مايزعجكم بالكول مي وانه مايستخدم الجوال الاعند الضروره وانه في حالة الاستخدام الخاطئ للجوال سوف يتم مصادرته هههههههههههههههه

وصدقني الشي هذا مو مزح صح انه فيه شوي غلظه وماصارت هديه لكن لازم يعرف الي عليه لما اخذ الجوال ويعرف انه يستاهل بس لازم يثبت بعد انه يستاهل بالاستخدام الصحيح

وطبعا انا اشوف انه عادي يكون معه جوال لان كل الاولاد بهالسن معهم جوالات ولو اخوي مارضى اشوف في خاطره شي ولااقدمه له وهو احسن من غيره ويستاهل ومو ناقصه عن الاولاد شي
طبعا هذا رأيي وكل واحد ورايه

وهذا الي عندي والله يكون في عونكم و الحافظ الله