نفساني - عرض مشاركة واحدة

20-10-2006, 04:50 AM

صباح الورد :

كنا نقول لاتقابلنا السلام عليكم والحين هاااااي ( صدقت الله المستعان بس ) ...

كنا نقول إذا ودعنا أحد في أمان الله والله يحفظك والحين نقول يللا باي ( الله المستعان تـــطور ) ...

كنا نقول هلا حياك الله اتفضل والحين نقول اتصل علي قبل ما تجي (صدقت بس الزمن تغير فرضاً أنا ما لي خاطر أستقبل أحد ) ...

كنا نتفاخر عندنا جد وجدة بالبيت و الحين صار فيه دار للعجزه والمسنين ( الله يرحمهم و يسكنهم فسيح جناتة بركة البيت ) ...

كنا نقول تفضلوا للعشاء انتم والأهل والحين نقول ممنوع اصطحاب الأطفال ( على بالك أطفال اليوم نفس أطفال قبل ) ...

كنا نفرح اذا تعشينا من بره البيت والحين نفرح اذا تعشينا من البيت ( وش طاري عليك في أزين من الأكل البيتي ) ...

كنا نفطر ونتغدى ونتعشى جميع على سفره واحده والحين بالكاد يجتمعوا اثنين ( هذي معناتي وين وين أجلس مع أهلي على

سفرة وحدة .. تنعد على الأصابع من يوم ما توظفت ) ...

كنا ناكل مرقوق وجريش والحين مكرونه اسبكتي أو بالباشميل ( الحمد لله على كل حال غيرنا مو محصلها ) ...

كان طموحنا ندرس في الجامعه العربيه والحين طموحنا ندرس بالجامعه بس شرط مو العربيه ( والله لا طلت لا عربية ولا أعجميه ) ...

كنا ندرس كل طالبين بطاوله والحين كل طالب له طاولتين ( من زود النعمة الله يعطيك العافية ما صار يوسعهم إلا طاولتين ) ...

كان طموحنا نصير طيارين والحين طموحنا وظيفة تأكل خبز ( وزين حصلناها بعد ) ...

كنا نفرح اذا نزل البرد والمطر نشرب منه ونستعذب والحين نبتعد بعيييييييد لايوسخ ملابسنا ( مازاد شفناه ) ...

كنا نفرح اذا قالوا لنا قربت الاجازه والحين معظم أولادنا بإجازه على طول ( الله يهديك بالموت حصلت الإجازة ) ...

كنا نهرّب السجاير تهريب والحين صار عندنا إدارة مكافحة المخدرات ( الله يعز الحكومة ) ...

أشكرك أخو أبو حفصة على موضوعك الرائع و لك كل التقدير ...

سمية القحطاني ...