هذه قصيدة معارضة توضح الفرق بين قبل وبعد الزواج

الله البادي ومن ثم نلوم التعريـــس ............ هذا زمان ما يبيله هموم وأثقـــال ِ

الزواج هموم كله ناب وتضريـــــس ............ مطحون البعل والحرمة زود أحمال ِ

الزواج ذل للرجل وصرع وتفلــــيس ............ كلمة البيت اليوم لحرمة مو لرجال ِ

الزواج يوم أهو لك معطار عريــس ............. وباقي الزمن سواق وحمــــــــال ِ

الزواج قمار يجي منه حظ وتنحيس ........... . يا تصيب يا اثنين عور وأسمـــال ِ

الزواج مبداه آآآآآآآه حب وتبويـس ............ وباقيه طاخ وطريخ وطربـــــــال ِ

يا حيف يوم كنت عزوبي وعتريـس ............ شاهين حر ما تطولك جبــــــــــال ِ

بالمقاهي وربعك للشيشة محابيـس ........... والليل تشوفه قصايد وأمثـــــــال ِ

تذكر يوم كنت عزوبي معزوز نفيس .......... مهيوب وعزتك عندك هي راس مال ِ

أعرس وفي بيتك ظلك غصب حبيس ........... كناس وزبال وجليس أطفــــــــــال ِ

أعرس وراح تشوف نفسك رخيـــص ............لقمة العيش راح تذلـــــــــــك إذلال ِ

أعرس وخلك مع (الكيد) دايم جليــس ........... كيد النسا له سلاسل وأحبـــــــال ِ

أعرس وخلك ترائي بحلمك كوابيـس ........... بزران وحرمة رابطينك بأثقـــــــال ِ

ياخوي كون فهر وخلك دومٍ حريص ........... لا يشدك حنين ويغريك الجمــــــال ِ

الزواج أوله حب تشده أحاسيـــــس ............ومن ثم شعرك تشده تسله أنسال ِ

لا تزوج وخلك مكمل بدون تنقيـــص ............الزواج نقيصة في حقك لا تبالـــي