نفساني - عرض مشاركة واحدة

30-10-2006, 02:04 AM

يابحر بسألك ليش أمواجك الليله تعاني

أنت مثلي يابحر قبل أمس فاقد لك حبيبه ...

أنت متضايق عشانك وإلا متضايق عشاني

أسألك بالله قلي يابحر ويش المصيبه ...

ولا أقول: أسكت وأنا بحكي عن إلي لك خذاني ...

ببتدي معك الكلام وكل ماعندي بجيبه ...

تذكر إللي لا لفتني بشر القلب المجاني

تذكر إللي كلها حب وغرام ونهر طيبه ...

تذكر إللي صوتها تشتاق له حتى المواني

كل ميناء يسأل الثاني إذا طول مغيبه ...

تذكر إللي في كفوفي تشعل الدنيا أماني

تذكر إللي نورها سود الليالي تقتدي به ...

تذكر إللي سلهمتها تقلب الساعه ثواني

تذكر إللي عطرها حتى طيورك تحتفي به ...

تذكر إللي علمتني كيف أروض هالمعاني

كل مامرت عليه رحت للشعر أنتخي به ...

تذكر إللي كل صبح تمرني بأحلى تهاني

صار كل العمر عيد وصارت أقرب من قريبه ...

قبل يومين تركتني ورحلت مع شخص ثاني

شخص ماكانت تحبه بس ما أدري وش تبي به ...

أدري إني من سببها كاسر خاطر زماني

وأدري إني أول إنسان كسر خاطر نصيبه ...

وأدري إن الله خذا مني مثل ماهو عطاني

وأدري إن الغاليه راحت رضا ماهو غصيبه ...

بس أقول الله كريم وعمر كل الناس فاني

والمكان إللي خلاص من زولها وش ينبغي به ...

مدخلك بالله قلي حط نفسك في مكاني

وش تسوي يابحر لاصرت فاقد لك حبيبه

المصدر: نفساني