المشاركة الأصلية كتبت بواسطة ad11112

بسم الله الرحمن الرحيم
اول شي الحمد لله ان الموقع موجود ما عرفت الرابط الا عن طريق اخوي ابو حفصة جزاه الله خيرا ....
ثاني الحمد لله ان بلغنا رمضان واساله ان يتقبله منا على ما فيه من تقصير فالله يغفر لنا كلنا وللمسلمين والمسلمات ..
ثالث شي الحمد لله انه فيه احد يسال عني والله فرحت كثير .....
وطبعا اشكر بقعة الضوء والمقاتل وابو حفصة والمفتاح وكل الاصدقاء ويسامحني اي احد اذا نسيت اسمه واقول لبقعة الضوء
جاتني رساله منك لكن الكميوتر ما ادري ليه يطلع الرسال كانها بلغة ثانية يعني يكتب حروف ورموز ما لها معنى
فاعتذر انا ما كنت اعرف ايش مضمونها حتى ارد ....
بس اهم ما في الموضوع اني حينما دخلت المنتدى صدمت .....
ايوه صدمت من الروح الانهزامية بين الاعضاء في العيد !!!!!!!
يعني واحد متشائم لهذا الحد في هذه المناسبة السعيدة ما يبغى يكون مريض ؟؟؟؟؟
يعني ايه خلينا للي عنده مرض حقيقي ضغط او سكر او حساسية او .... مرض خطير مثل السرطان او ما شابه ؟؟؟؟
اللي عندنا عبارة عن شبح في خيالنا من صنعنا !!!! يسلبنا السعادة حتى في اسعد ايام السنة !!!
يعني الواحد يعذب نفسه بنفسه !!!!
طيب الين متى ؟؟؟؟؟؟
مو انت لازم تتفائل شوية حتى تقدر تعيش مو صح ؟
والواحد فينا سمح لهذا الشبح انه يتواجد على طول في حياته ساعة بساعة بل لحضة بلحضة تبدا الزاوية صغيرة لكنها تنفرج مع الوقت
ولا تفرج !!!!!
نحتاج بشدة برنامج جاد لتعلم التفائل في اسعد الضروف !!!!! طيب ووقت المصاعب نسوي ايه ؟؟؟؟
طيب الحين كل واحد فينا يستغفر ربه على اللي سواه ونعتذر لهذا الشخص اللي ازعجناه ونكدنا عليه في العيد
هذا الشخص اللي لازم نسعده ونوعده انا ما نكرر اللي سويناه لاننا عذبناه كثير
طبعا هذا الشخص هو انفسنا هذا الشخص هو انت ....
ونعوضه عن هذه الاربعة ايام باربعة ايام سعادة ندلله فيها ونرفق ونقدم هديه واعتذار حار ببساطة نعوضه فيها عن
ايام الشقاء اللي عاشها وكل واحد يبدا من الان من لان يعتذر لنفسه ويدلعها ويكتب لنا سوى ايه كل يوم يهدي لنفسه هديه ويكتب لها اعتذار
ويكتب لنفسه اعتذار على صفحات المنتدى .....
وبعدين نشوف ايه يصير وانا متفائل جدا بالنتائج هيا على بركة الله