|
ساعدوني في مساعدة غيري......
بسم الله الرحمن الرحيم
السلام عليكم ورحمة الله وبركاته
بصراحة انا عضوة جديدة وإلي شجعني على السؤال إجاباتكم الشافية والعلميه ...بصراحة عندي مشكلة واتمنى الجميع يساعدني في حلها ويحتسب الاجر...
في إنسانة تعز علي جدا وهي تقرب لي بس علاقتي فيها عادية مهيب قريبة مني كثير ولا بعيدة وما في مشاكل بينا الحمدلله المهم هذي الإنسانة أغليها كثير وأخاف عليها فأي غلط تسويه يحز في نفسي ويضيق صدري لأني خايفه عليها بس ماني عارفة انصحها وانبها وهذا إلي مضيق صدري اكثر واكثر لأني سألت ناس قريبين منها كثير وكانوا لما ينبهونها تعصب وما تعترف ابدا بأخطاءها وكلمة آسف صعبة عليها او تهرب من الموضوع وتتضايق وتبعد من الشخص إلي نصحها وما تتقبل منه شي فإلي إستنتجته إن هذي الطريقة ما تنفع معاها وللأسف ما تشوف إن هذا حب لها وخوف على مصلحتها وتحب كل الناس يحبونها ويخدمونها اما هي ما تحب تقدم شي او تتنازل عن شي لاحد وتتضايق إذا ما حصل كل شي مثل ما تبي حساسة جدا ممكن تزعل على أشياء ما تستاهل وتشيل في نفسها او تثور .. وعلاقاتها بصديقاتها تنتهي بسرعة وممكن بمشاكل ...
يمكن هي بعيدة عن ربي بس أحس قلبها طاهر وفيها طيبة فياضة ... بس انا مقهورة كثير لأني ودي أنصحها وأبعدها عن الأشياء إلي تئذيها وودي تكون سعيدة ومرتاحة وما يمسها سوء لا في الدنيا ولا في الآخرة بس المشكلة *ماني عارفة كيف اوصلها وكيف انبها دون ماتزعل وألقي فعلا إستجابة وتغيير منها وإقتناع....*وكيف تصير هادية وما تتضايق بسرعه ولا تشيل في قلبها..
فلو سمحتوا ساعدوني في حل مشكلتي إلي اعانيها مع ناس كثير وجزاكم الله خير
|