السلام عليكم ورحمه الله وبركاته

الى كل اخصائي نفسى ارجوكم ابقى حل لمشكلتي وتحملوني لاني راح اقول بتفصيل عشان

تساعدوني بليز..

عمري 20 سنه متزوجه من شخص عمره 25 متزوجين عن حب وهو يقرب لي تزوجنا بعد حب دام

3 سنوات ونصف طبعا اول شي خطوبه دامت 7 شهور وبعدها تزوجنا وبعد زواجنا بـ12 يوم زوجي

سافر لدراسه بالخارج وبعده 5 شهور اتيت اليه وانا حاليا مغتربه معه واحبه حب بشكل ماتتصورون

ولكل يحسدنا على العلاقه الي بيني وبينه ان احنا متفاهمين وبينا صداقه ولانخبي عن بعض شي

والحمدلله وقبل 12 يوم تقريبا من اليوم جلست من النوم ومسكت جوال زوجي لاني عادي امسكه

في اي وقت وهو كان نائم المهم وبعدها رايت رساله مرسله الى بنت ولكن الاسم اسم ولد فكذبت

نفسي وقلت لا يمكن وكان مكتوب في الرساله تقدرين تكلميني الحين على الايميل المهم وتركته

نائم وقلت لعلى

وعسى يكون تفكيري غلط ولما جلس قلت له وانا ابتسم لمين هذي ارساله

ولا



بملامح

وجه تغيرت واتت لي الفاجعه الكبرى وبعد بكاء دام يومين

كاملين قال لي ان هذه البنت من عشيقاته السابقات وهو بالفعل اخبرني عنها من قبل ولكن لم

يقل لي انها الى الان ترسل له رسائل ورنات والرسائل ((فقظ بليز كول مي)) وليس برسائل حب ولا

كلام وان كذا مره كان هالشي يصير قدامي واقوله فلان دز لك مسج بليز كول مي

ولا قالي ولما قلت له ليش ماقلت لي قال كنت انتظر الوقت المناسب وان هو لما رسل لها رساله

كان بيقولها ان لاترسلين خلاص وماحب يقولها عن طريق الهاتف عشان لايسمع صوتها وبعدها انا

قلت طيب انت لوقلت لي مو احسن انا لاباكلك ولاراح اعضك ليش خبيت علي وكان جوابه مثل ماقلت

لكم كان يبي يختار الوقت المناسب وانا قلت ماعليه بس لا تعيدها بليز واذا عندك اي شي مخبيه

علي من الحين قولي قال لا مافيه شي صدقيني وانا هديت وقلت خلاص الي صار صار والحمدلله

جات على كذا وبعدها صرت كله شاكه فيه مو مطمئنه له بس كنت اهدي نفسي واقول تعوذي من

الشيطان وزوجك احسن من غيرك ..

وبعدها شفت ايميل في الكمبيوتر غريب علما بأني اعرف كل الايميلات والباسورد لكل اميل

فقلت يابنت الناس انتظري لين يجي وخبريه ولما جى قلت له عطني رقم الباسورد قالي ناسيه من

زمان مادخلت عليه وقلت اوكي ولا فيه شي قلت انا مزودتها في الشك واليوم ياجماعه الخير كنت نايمه وجلست من النوم

توني جالسه من النوم

ولا شفت زوجي على النت ولما شافني تبهدل قلت وش تسوي قال ولا شي واخذت الاب توب منه

الا اشوف ايميله الي يقول ان مايعرف الباسورد مفتوح الا ودمعتي نزلت بدون مااعرف وش السالفه

الا يقول لي يابنت الحلال مافيه شي من الي في بالك قلت طيب فهمني قالي والله اني ماكلمت

البنت السالفه ومافيها اني مشترك في موقع جنس من هالايميل وماابيك تشوفيه وليش ماقلت لي

نفس جوابه كنت بختار الوقت المناسب وعلى فكره هو كان في سن المراهقه مدمن على الاشرطه

وهالسوالف وبعد ماعرفني تركها وبعد الزواج قالي وش رايش نشوف فلم سكس قلت لا ماله داعي

بصراحه جات لنا حاله برود في علاقتنا بس ماوافقت الا بعد جهد جهيد وقنعني ان يساعدنا عشان

ترجع علقتنا مثل قبل وصار هالشي مره وحده بس وحاول فيني ان نكرر هالشي بس انا

قلت ان الحاله تعدلت وماله داعي وسكت عن هالموضوع والحين يقولي ان مشترك في هالموقع

وانه عادي مثل مقاطع لبلوتوث مش فلم وقام يبرر لي والعمل يااخصائين انا منصدمه من الشخص

الي حبيته وقدرته وصنته وصنت بيته يصير منه هالشي والله يستر من الجاي الله يستر يادكاتره

يناس عطوني حل تكفون انا في غربه ابي احد يساعدني راح انجن حسبي الله ونعم الوكيل

وترى زوجي طيب وخلوق والكل يشهد على كذا بس ابي افهم ليش يسوي فيني كذا

والله اني جلست معاه وقلت له قولي انا مقصره معاك في شي قالي لا قلت له طيب ليش تكذب

علي قالي انا كنت باقولك بس في قت المناسب ياريت تقولون لي وش اسوي عطوني حل تكفون