|
لما تدخل البنت النت اخر الليل !!!!!!!
هذي سالفه بتعاني منها فتياتنا العازبات اللي يعيشون بكنف امهم وابوهم ،،
وطبعاً تعرفون البنت من كثر ماهي عزيزة بتنحط عليها كاميرات حتى بعز النوم خخخ
اما الشاب لاء ..عادي يبوس أي بنت بالشارع ،، يعني لو وصل الخبر لابوه قال : ويش فيكم عالولد خله يوسع صدره ويعيش حياته ،، لكن لو صار العكس غسلووووو شراع ام اللي جابتها !!
عاد المسكينة مالها الا الله والنت توسع فيه صدرها ،،
اذا كانت انسانه مثقفه طبعاً بتركز عالمفيد وشغلات ثانيه
بتحب تكتشفها وتتعلمهااااا ، وعندها اهل متفهمين ، يالله حيا راح يخلوها تنبسط بالجهاز ،، ويكتبون لافته مكتوب عليها ( يابنتي لاتتأخري ترى الجلسه عالنت كثير مو بزينه تسبب الشرود وعدم التركيز ) او يقولون ليها هذا الكلام بهدوء وبلطافه ،، عاد لما تشوفها بتبتسم وبتدعي الله انه يطول باعمارهم ويحفظهم ليها ،،
اما اذا كانت انسانه محبطه ومعرضه للانتقاد كثير بحيث انه ينقال لها كلام يغث البدن كــ ( انتي مامنك فايده ...حتى غبار غرفتك ماتتنزلين تشيليه ) ( انتي أقبح أمرأة انجبتها طالعي خواتك ويش حلاتهم الا انتي مدري على مين طالعه كنك بومه قبوس ) ،، ( يالله بسرعه طفي النت والا راح افصله والا اقطع اسلاكه نتفه نتفه وتحلمي تشوفيه ثانيه ) ..طبعاً البنت بتبكي وبتقول : لاعاد يمه بس شووووووي ويش فيك ،، ليه خليني على راحتي ،، هذا اختي بتجلس عليه متقولين ليها شي ليش انا بالذات بتركزي علي ،، بتقول امها : أختك مخطوبة على ذمة راجل يعني مالي شغل فيها ، في غيري يتحكم فيهااا ، طبعا البنت هنا ينكسر خاطرها وتقول : ليش ماتدعين لي اني اتزوج بعد واريحك ،، فلما تسمعها امها تقول كذا ، بتعطيها كف على وجهها او تقول لها : انطمي " اسكتي " ياقليلة الادب والتربيه ،، او تقول بسخريه : وين ياحسرة اللي بيتزوجك ياأعمى والا معاق ، مين بياخذ وحده مافيها حتى نص جمال !! ..
عاد البنت بعد ماتسمع كل كلام الغزل بتدعي انه الله ياخذ روحها وتفتك ،،و بتعاند وبتضل تسهر عالنت بس اذا حست انه واحد من اهلها صحى طفت الجهاز حتى بدون ايقاف ، وتطفي الانوار وتنخمد ، لما يروح بتقعد ثانيه وبتتمشى بشويش مثل الحراميه وبتجلس عالنت ثانيه بضوء خافت وبتفتح الماسنجر او الشات او أي منتدى توسع صدرها فيه من الغيظ ومش مهم تقرأ والا ماتقرأ بس المهم انها جالسه عالنت حتى تغيض اهلهااااا على حساب صحتها
اما اذا كانت انسانه مدلله زيادة ، تلاقوها ماشالله النت بغرفتها اربعة وعشرين ساعه والوالده وين ؟؟؟؟؟؟؟؟
يااما طالعه او نايمه متدري ويش السالفه ، وان قالت : يمه ابي اكلمك ، ترد عليهااا: بعدين بعدين والا اقولك شوفي الخادمه خلها تجيب الاكل لغرفتك او أي شي تبيه .......
ماتلاقي الا النت قدامها يسمعهااااا وتقعد تحكي له قصص وروايات عن مشاعرهاااااا وبتكون صيد سهل !
في نوع اخر من الفتيات الا هو انها تكون انسانه تبي تتعلم بس المشكله انه مامعها نت بالبيت بس تسمع عنه او تلاقيه بيت خالتها او عماتها او عمامها ....الخ ،، عاد ذي البنت مشكله بتقعد تقول لابوها : خلني اشتغل ...بيرد عليها : ماعندي بنات يشتغلون !! ،، بعدين تروح لامها وتقول : يمه عاد كلمي ابوي خليه يوافق اني اشتغل !!
بتقول امها : شوفي تسنعي لا بهالقدر اللي بالفرن اصبه او أسكبه عليش !! ..بتصير تبكي البنت بحرقه وتقول : اهااااااااااااعااااااااااااااد ويش فيكم كذا متخلفين الناس حطوا " كمبيوتر في بيوتهم " واحنا حتى تليفون مافيه ،، بتقول الها امها : اييييييييه كله حق الخراب ، وانتي تبين تشتغلين ليش ؟! ..طبعاً البنت بتقول وهي تضحك : عشان اجيب كل اللي نفسي فيه واجيب لك كلشي وصدقيني راح اعزك واخليك تلبسي ذهب ماعمر جدك شافه ...وطبعا الام تجري مشاعر الامومه في قلبها وتقول : اييييييييه يابنتي ..الوحده لاشغل ولا مشغله تطفش ..على الاقل الوظيفه تشغلك شووووووووي بس عاد قولي لي : ويش لون تبينا نطمن عليك بالشغل ، او تبين احد يجي ياخذك ويوديك الدوام
طبعاً البنت تطق صبع وتقوووول : بسيطه كلها شريحه جوال وبطاقة سوا !! ..فترد الام وتقوووول : ويش ذي هالشريحه من وين يجيبوهااااا ،، تقول البنت : والله بسيطه ، بس عاد خليني اوقع العقد بالاول واقنعي ابووووووووي
وهناك نماذج كثيرة للفتيات في عالمنااااااااااااا الخفي والمجهوووووووووول
وأعذورني على ركاكة الاسلوب قليلاً ...
|