نفساني - عرض مشاركة واحدة

24-11-2006, 11:02 PM

السلام عليكم ورحمه الله وبركاته

انا فتاة عمري 21 سنه ترددت كثير قبل لا أرسل.. أحب شخص يصغرني ب3 سنوات بداية علاقتي فيه كانت كأخوة كنت اعتبره نفس أخوي ولكن فأجاني من حوالي 9 شهور بأنه يحبني وبعد فتره حبيته كنت حذرة دايما اني ما كلم صبيان ولكن ذي الشخص اللي كلمته في البداية كأخ حسيت بكلامي معاه انه مستقيم وهو من نفس البلد الي انا فيه تعرفت عليه بالشات يقولي انه دخل الشات ينصح اللي فيه او كداعية يعني اما بالنسبة لي فأنا دخلت الشات ابي اتعرف على بنات غرضي فقط واكون صداقة مع البنات بس لاني وحيدة امي وابوي وعندي اخوان 2 بس وصديقه وحده .

بعد ما حبيته وحبي كان صادق له وعدني بالزواج استمرت علاقتي به في المسنجر ولكن من فترة فؤجئت به يقولي اهله مب راضين بزواجنا لاني اكبر منه عشت اياام مرررررة وما زلت ..

بعد فترة اهو ملج وتزوج لانه كان يقولي انه محتاج للزوجة خصوصا انه ابوه وامه منفصلين وعايش مع ابوه وربته زوجه ابوه وعنده اخت وحده من امه وابوه وعنده بعد اخوان من ام وابو لكن علاقته معاهم مب قويه او ليست تقريبا جيده نفس ما يقولي ..

فكان يعتبرني نفس ام له او اخت احاول انصحه في بعض مشاكله مع اسرته وخصوصا انه انسان عصبي ..

والحين سافر يدرس وبعد ما شاف حالتي بعد ما تزووج لاني كثثثثثثثير تعبانه قالي اشرايج اخذاك كزوجة ثانيه بعد ما كمل الدراسة وقالي خلج مع اختي كوني صديقتها وكوني معاها وقتله خلاص انت متزوج روح وانسااني والله يقدرني انساك مع اني اعرف نسيانه صعب جدااااااااا..

مشكلتـــــــي االحين نفسيتي جداااااااا تعبااانه اعزل نفسي عن العالم كرهت كلشي بعد ما تزوج وراح عني حبيته بصدددق دايما افكر فيه احس اني مررريضه بعد ما بتعد عني ما قدر للاسف اني اعيش من غيره هو اول شخص بحياتي اكلمه واحبه احس اني غير طبيعيه ولازم اراجع طبيب نفسي بس صعبة شوي ..

مشكله قد تكون ثانيه اني تعلقت بالنت والمنتديات واحاول استفيد من النت بقدر المستطاع وواقضي وقت فراغي خصوصا اني انسحبت من الجامعه لاني ما قدرت اواصل بالتخصص ..
واذا يوم انقطع عني النت او حدث خلل تنقلب حالتي فوق تحت لاني تعلقت بالماسنجر على الاقل اشوف ايميله حتى لو ما كلمه اهم شي اشوف ايميله ..

انا الحين في حاالة حزن دايم ابكي ويقطعنــــــــــي حزني عليه لا احد يدري بحالتي الا رفيجتي بس وكررهت الدنياا..
واعرف اااااني لازم اتركه لانه متزوج وزوجته حامل بعد..
الحل صعب وانا احس اني امووت ببطىء احسه ظلمنـــــــــي الله يسامحه

ياااااا ريت لو تساعدوني لاني تعلقت فيه بطريقة جنوووونيه واسفــــــــــــه اني طولت بمشكلتي واسفه لاسلوبي الغير منسق..
وجـــــــــــــزاكم الله خير..

المصدر: نفساني