نفساني - عرض مشاركة واحدة - بصراحه ..... كم مره طبيت من فوق سور المدرسة ؟؟

26-11-2006, 10:41 PM

الحقيقه تذكرت موقف في ابتدائي كنا بأيام الشتاء تعرفي مافي مدرسه حكوميه في الاحياء ؛؛ يدرسون في منازل مستأجره آيله للسقوط ...المهم انااااا يوم شفت الكل طلع واغتنموها فرصه للهروب قلت خلني امشي معهم ...طبعا هم كسرو البوابه الرئيسيه للخروج حتى الفراش او البواب استغرب انه ذولا بنات " عضلات " ماشالله خخخخ ؛؛ وبعدين صار هجوم فيوم ركضت انقطعت شنطتي وماانتبهت ، مالقيت الا وحده تقولي " فلانه ..فلانه " الحقي على كتبك بالارض ...طبعاً استغربت وقلت اشوف ليش الشنطه صارت خفيفه اتاري ماسكه الخيط والثقل طايح بالارض ؛؛ المهم ركضناااااا ركضنااااا
وكاننا خارجين من قفص حمام خخخخ نطلب الحريه ..لما وصلت البيت ..على طول صرت اغرد ويوم شافتني جدتي قلت لها : تعرفين عشان الطقس طلعونا بسرعه !! ..وماالتفت يمين الا سيارة واقفه جنب باب بيتنا ونزل منها عمي ..وراح لجدتي وقال لها : وين البنت ؟
قالت : داخل ويش صاير ؟! ..قال : البنت هاربه من المدرسه وترى مسجلين اسمها ضمن الهاربين ..قلت : " شبح مع هالويه " [[ بالعربي مالت عليك وجايبهم لحد البيت صرفيتهم في اي جهه ترى رده للمدرسه ماني راده الناس بتموت من البرد ]] ..المهم بالنهايه ركبت السياره معه وكان السواق هو بواب المدرسه ويعرف هلي خخخ << فضحنا الله يفضحه >>