|
تدليل الأخ أمام الزوج ..أكبر قهر هههه
بصراحه حضر اخوي لبيتي عشان يشوفني ويطمن على احوالي ؛ وكمان يتأكد من " بنك التسليف " إذا فاتح وبأمكانه يعطيه الا هي انا طبعا ،، المهم عملنا الواجب وقدمنا المساعده على الرغم من ظروف زوجي ....وحب يبقى اسبوع معنا ؛ واكيد جهزت غرفة الضيوف اله واستقبلته بصدر رحب ودللته وكنت بجيب الماي قبل مايقوم " تذكرت ايام العزوبيه " خخخخ <<<< امحق ايام < السلطه الاقوى
المهم مالقيت الا ابو العبد من الصباح " مقفل " تقولو بالع سيجاره بفمه مدري ايش علامه ..وشوي يقول : الحين مسويه الفطور وينه ؟! ..قلت له : والله ياحبيبي الفطور حق اخوي ....تبي فطور روح اكلك جبن مع زيتون والا خبز ناشف ....اي شي شوفلك اي حل ..لاتقعد تلزق فيني ترى ماني فاضيه ابي اودي الحليب لاخوي ......قال : يمه واناااااااا،،،،،،،
قلت له : اليوم مو لازم شوفلك عصير بالبراد وافتحه واشربه وروح الدوام ..وفتح البراد وصااااح : يافلاااااااااانه ابي عصير تفاح ، قلت له : شوف عن الهبال تسنع ترى مالي خلق ....ياتشرب الموجود والا رووووووح اقرب محل او بوفيه شوفلك اللي تبغاه !!
قالي : ياحرمه .... انا جايب البارحه وينه ....قلت له : وديته حق اخووووي عطشان مسكين خله يرد لاهلي فيل مو عظم !! ....قال : فيل يدهسسسسسسسس ......طبعا حركت وجهي لصوبه وقلت له : يدهسسس مين عيوني ...قال : ابد سلامتك ...ابي اروح الدوام ....تبين شي ....قلت له : في رعاية الله وحفظه ..شوف الغترة بالكنبه ....قال : ابي اروح الدوام بلا غتررررة .....طبعا قلت له : تعال واااااااي اشفيك زعلان ؟ تبي تفشلنا تروح بلا غتره ....قال : ان شالله اروح بلا ......مالك شغل !!
وطلع المسكين ههه وبوزه شبرين ومترين .ورحت لاخوي اوسع صدري معاه .
لما جه وقت الغدى حطيت له الغدى مع السلطه ..الخ ..وشرب الشاي وقعد يلعب مع الاولاد ...رد المسكين ابو العبد من الدوام " لووووونه أصفر " تقول زعفران منقع في ماي خخخ ، المهم جه مسوي نفسه زعلان وكلش متوقع يشوف حركه مني له او جبر خاطر حتى ؛ وبعدين قال : جهزي غداااااااي ترى ابروح ابدل واجي ثواني ؛ قلت له : عييييوني بدل ملابسك و حطلك الغدى ترى ظهري حقيقه انكسررررر .....قال : ان شالله ؛؛؛؛ بعد شوي وتقولين اذلف الشارع !!!!!
طبعا برقت عيوني وقلت له : ويش فيك حقيقه طاق جنون ؛ كنك أطار ( كفر ) سيارة محترق ..قال : لاء مسويه نفسك ماتدري والا شفت اخوش صرتي تتغلين ؛ قلت له : الحين ذه اخووي مو غريب ولازم اخدمه ، وانت لازم تخدم نفسك مو كله علي ؛ قال : ليش ماخوك يخدم نفسه ؟ ؛ ترى حقيقه ان بات اسبوع ثاني والله لذبح نفسي ؛ طبعا ضحكت وقلت : عدال لاينشق بلعومك .ايش قال يذبح نفسه ؛؛؛؛؛ قال : يعني تتسمخري علي ؛ غداء مابي خليه عشاء لاخووووووووش ومالت عليشش وعلى خووووووووووش !!
رحت وراه ههههه لايسوي بعمره شي وقلت : يمه ايش فيك الحين انت مرحب باخوي وتحبه مووووووت ويوم بات معنا ما رفضت بالعكس انت اللي عرضت عليه ..وكان الوضع طبيعي ويش صار انقلبت 150 درجه ؛ قال : ايه عالعين والراس اخوك ، بش ماتوقعتك كذا ، يامتوحشه تتخلين عني وتفضلين اخوك علي !!
قلت له : انا ماافضل احد على احد ..انت الك مكانك وهو له مكانه ؛؛؛؛ قال : ايييييه واضح !!!!!!!!!!
وبالختام يالربع يوم عرفت انه غيرته زادت قلت : أجل خليه يذوووق !!!! <<<< شويي تنفقع مرارته خخخ
؛
|