|
ارجوكم لا تبخلوا علي بمساعدتكم
السلام عليكم
الى اسرة منتديت نفساني الكرام ابي اطرح عليكم مشكلتي وياليت تساعدوني باسرع وقت ممكن
مشكلتي كالآتي:
انا سيده عمري 22 سنه متزوجه من سنتين وعندي طفله زوي يكون ولد عمي اول ما خطبني ما شفت فيه اي عيب وتمت الموافقه وعلى فكره هو كان متزوج ومطلق قبل ما يخطبني وبعد ما انفصل عن مرته الاولى ظل فترة بدون زواج ساكن في بيت الزوجيه بروحه وتقدرون تقولون انه تعود انه يعتمد على نفسه في كل شئ
المهم فترة الخطبه كانت حلوه وما حسيت اني محتاجه شئ لانه ما قصر معاي بأي حاجه وتم الزواج وانا حملت على طول عدت علينا السنه الاولى وانجبت بنتي ( ايمان ) لما دخلنا على السنه الثانيه الى هذه اللحظه اللي اكتب فيها لكم مشكلتي وانا ابكي دم لان زوجي الان ما يهتم بالبيت من جميع النواحي لا بالزوجه ولا بالبنت حاولت اكلمه اكثر من مره لكن بدون فايده دايما يقول لي انا ما اطلب منك شئ يعني يبي يوصل لي انه مو محتاجني في شئ يسافر بروحه ويرد انا دايما اقول بيرجع يشتاق لي ولبنته لكن العكس هو الصحيح انا تعبت وايد ارجوكم لو عندكم الحل المقنع لا تنسوني ولكم جزيل شكري وتقديري
يا ريت ما تتأخرون علي لاني كل يوم انتهي اكثر من اليوم اللي قبله
شاكره لكم تعاونكم معاي: اختكم........ وقفة الم
|